Аймақтар • 20 Тамыз, 2019

Нұр-Сұлтанда жаңа көлікті енді автосалонда тіркетуге болады

157 рет
көрсетілді
1 мин
оқу үшін

«Азаматтарға арналған үкімет» астаналық көлік иелері үшін тамыз айының басынан жаңа жобаны іске қосты. Енді автосалоннан жаңа автомобиль сатып алатындар оны бірден тіркеуге қойып, құжаттарын жасата алады. 

Нұр-Сұлтанда жаңа көлікті енді автосалонда тіркетуге болады

Бұрын жаңа көлікті автосалоннан рәсімдеген кезде мамандандырылған ХҚО-ға бару керек еді. Енді автосалонда мемлекеттік корпорацияның бір қызметкері жұмыс істеп, есепке қою операцияларын жүзеге асырады. Көліктің техникалық құжаты мен мемлекеттік тіркеу нөмірі дайын болған сәтте оны салонға курьер жеткізіп береді.

Әзірге бұл қызмет Нұр-Сұлтан қаласындағы Mercedes-Benz  автосалонынан көлік сатып алатындар үшін қолжетімді. Таяу арада бұл жоба, сондай-ақ Алматы облысының Талғар ауданындағы AsterAuto автосалонында іске қосылатын болады.