Жарыстың іріктеу сынына әлем кубогы кезеңдерінде мейлінше жоғары ұпай жинаған 20 спортшы қатысқан болатын. Ал финалға жолдама алған жеті спортшы Олимпиада жолдамасын иеленді. Айта кетелік, спорттық құзға өрмелеуден Токиода алғаш рет Олимпиада жүлдесі таратылады. 2016 жылы өткен Халықаралық Олимпиада комитетінің сессиясында аталған спорт түрі Олимпиада бағдарламасына енді.
Бүгінге дейін қазақстандық спортшылар Олимпия ойындарына 11 лицензия жеңіп алды. Атап айтар болсақ, жүзуден Дмитрий Баландин (100, 200 метрге брасс әдісімен жүзу), жеңіл атлеттер Ольга Рыпакова мен Георгий Шейко, велоспорттан Евгений Гидич, садақ атудан Қазақстан құрамасы (жекелей сынға Денис Ганькин, Ильфат Абдуллин және Санжар Мұсаев қатысады), спорттық құзға өрмелеуден Ришат Хайбуллин және ашық суда жүзуден Виталий Худяков Олимпиадаға жолдама алды.
