Қоғам • 23 Тамыз, 2019

Азаматтардың әл-ауқатының жақсаруы олардың еңбектенуіне байланысты — Б. Сапарбаев

37 реткөрсетілді

Бүгін ҚР Үкіметінде өткен баспасөз конференциясында ҚР Премьер-Мимнистрінің орынбасары Бердібек Сапарбаев БАҚ өкілдеріне ҚР Тұңғыш Президенті – Елбасы Н. Назарбаев биыл 21 тамызда Nur Otan партиясының саяси кеңесінде қойған міндеттерді іске асыру шаралары туралы айтып берді. Бұл туралы primeminister.kz хабарлады. 

Б. Сапарбаева атап өткендей, ҚР Тұңғыш Президенті – Елбасы Н. Назарбаев Үкімет алдына қойған басты міндеттердің бірі — қазақстандықтардың әл-ауқатын арттыруды қамтамасыз ету. 

Биыл қазақстандықтардың жекелеген санаттарының жалақылары екі есеге өсті. 3 млн-нан астам қазақстандық үшін жалақы мөлшері 15%-дан 30%-ға дейін артты. 

Елбасының тағы бір маңызды тапсырмасы — қазақстандықтарды жұмыспен қамту, жаңа жұмыс орындарын ашу. 

Б. Сапарбаевтың айтуынша, бұл тапсырма Қазақстанда іске асырылып жатқан 14 мемлекеттік және салалық бағдарламар аясында орындалып жатыр.

«Өз сөзінде Нұрсұлтан Әбішұлы Назарбаев адамдардың әл-ауқатын жақсарту олардың еңбегіне байланысты болатынын айтты, яғни егер дені сау болса, еңбекке қабілетті адам жұмыс істеуі керек. Мемлекеттік қолдау мен әлеуметтік көмектің барлығы оған мұқтаж адамдарға ғана көрсетілуі тиіс», — деді ол.

Мәселен, биыл  373 мың жаңа жұмыс орны құрылады. 2019 жылдың 7 айының қорытындысы бойынша бұл тапсырма 60%-ға орындалды.  Оның ішінде 150 мыңнан астам орын — нақты жұмыс орны. Сұранысқа ие емес мамандар қазіргі таңда сұранысқа ие мамандықтар бойынша қысқа мерзімді оқытудан өтті.

«Еңбек» бағдарламасы аясында «Бизнес Бастау», «Жас маман», «Жас кәсіпкер» жобалары іске асырылып жатыр. 

Сонымен қатар, шағын несиелік гранттар бар. Елбасының «Әлеуметтік қамқорлық» жаңа әлеуметтік шараларына сәйкес қосымша 15 мың грант бөлінді. Бұл мақсаттарда республикалық бюджеттен 32 млрд теңге бөлінді. 

Премьер-Министрдің орынбасары сонымен қатар атаулы әлеуметтік көмектің жаңа форматын іске асыру туралы баяндады. Бүгінгі таңда 340 мыңнан аса отбасы немесе 1,8 млн қазақстандық осы көмек түрімен қамтылған. АӘК алушылардың 58%-ы — ауыл тұрғындары. Республикалық бюджеттен төленген қаражат көлемі — 103 млрд теңге. Соның нәтижесінде 37 мың адам жұмысқа орналастырылды, 6 мыңға жуық адам өз ісін ашты. Мәселен, 88 мың ауыл тұрғыны мал, техника т.б. алу мүмкіндігіне ие болды.

«Жалпы, АӘК алатын отбасылардың материалдық жағдайлары жақсарды. АӘК көлемі бір адамға шаққанда 6 мың теңгеден 15 мың теңгеге дейін артты. Егер бұрын бір отбасыға орта есеппен 30 мың теңге төленген болса, қазір – 86 мың теңге. Талдау мәліметтері бойынша, АӘК ел экономикасына 300 млрд теңге көлемінде мультипликативті әсер берді», — деді Б. Сапарбаев. 

Сонымен қатар, Б. Сапарбаев АӘК тағайындауда көмектің шынымен мұқтаж адамдарға көрсетілуіне ерекше көңіл бөлінгенін айтты. АӘК тағайындауда табысты бұрмалаудың көптеген фактілері анықталды — барлығы 70 мыңға жуық тағайындау қайта қарауды талап етеді. Бүгінгі таңда тұрақты мониторинг жүргізілуде. ЕХӘҚМ-де Еңбек ресурстарын дамыту орталығы жұмыс істейді, оған зейнетақы қорына қаражат аударатын барлық жұмыс істейтін қазақстандықтар бойынша мәліметтер келіп түседі. Соның негізінде азаматтардың жалақысы мен оның отбасының табысы анықталады. АӘК жосықсыз алушылар бойынша жергілікті атқарушы органдармен олардың нақты табысын нақтылау бойынша жұмыстар жүргізіледі.

«Біз мұқтаж адамдарды масылдардан ажыратуымыз керек. Егер біз осы көмекті пайдаланып, масылдыққа бой ұрсақ, біздің болашағымыз не болады, балаларымызға қандай тәрбие береміз, біздің еліміз қалай дамиды? Сондықтан бұл мәселеде қателікке жол жоқ. Дені сау, еңбекке қабілетті адамдар жұмыс істеуі керек. Ол үшін барлық жағдайлар жасалған», — деді Б. Сапарбаев.

Сонымен қоса, Мемлекет басшысының  «Қазақстан Республикасы азаматтарының борыш жүктемесін азайту туралы» Жарлығын іске асыру бойынша жұмыстар жүргізіліп жатыр. ҚР ЕХӘҚМ ҚР Ұлттық банкімен бірлесіп 33 млрд теңге сомасына 1,2 млн қазақстандықтардың айыппұлдары мен өсімпұлдарын есептен шығарды. Сонымен қатар, бір қарыз алушыға есеппен тұтынушылық несиелер сомасы 300 мың теңгеге дейін төмендетілді. Жалпы, несиелер сомасы 105 млрд теңге сомасына 630 қазақстандық үшін төмендетілетін болады. 

Елбасының тағы бір тапсырмасы — мемлекеттік қызметтерді электронды форматқа ауыстыру аясында бүгінде мемлекет 730-ға жуық мемлекеттік қызмет көрсетеді. Оның ішінде бүгінгі таңда электронды форматқа 72% көшірілді. Жыл соңына дейін бұл көрсеткіш 80%-ға жеткізіледі. Елбасының келесі жылы бұл көрсеткішті 90%-ға дейін жеткізу туралы тапсырмасы бар. 

Баннер
Соңғы жаңалықтар

Импорттан не ұттық?

Экономика • Кеше

Лисаковтың «Бәйтерегі»

Аймақтар • 20 Қыркүйек, 2019

Гобелен – текті өнердің туындысы

Руханият • 20 Қыркүйек, 2019

«Мәдени қабат» жойылған жоқ

Қоғам • 20 Қыркүйек, 2019

Шахмардан тербелген талбесік

Руханият • 20 Қыркүйек, 2019

«Жоғалмайсың, жоқтаушы халқың барда...»

Руханият • 20 Қыркүйек, 2019

Аймақтың экспорттық мүмкіндігі артуда

Аймақтар • 20 Қыркүйек, 2019

Көк айдында көршілер жаттығуда

Аймақтар • 20 Қыркүйек, 2019

Банктер артық ақшаны жасырып отыр ма?

Экономика • 20 Қыркүйек, 2019

Бұқара қамын ойлаған басшы

Қоғам • 20 Қыркүйек, 2019

Оқу мәдениеті

Қоғам • 20 Қыркүйек, 2019

Өзбек туризмі ояна бастады

Қоғам • 20 Қыркүйек, 2019

Алаштың айбоз абызы

Руханият • 20 Қыркүйек, 2019

Сотты жетілдіру мәселесі талқыланды

Парламент • 20 Қыркүйек, 2019

Қазақстан – Қытай: жаңа кезең

Саясат • 20 Қыркүйек, 2019

Қыста қысылмаймыз ба?

Қоғам • 20 Қыркүйек, 2019

Несие аз, жабылған кәсіпорындар көп

Экономика • 20 Қыркүйек, 2019

Халық пікіріне құрмет

Саясат • 20 Қыркүйек, 2019

Әңгіме өзегі – әдебиеттің ертеңі

Руханият • 20 Қыркүйек, 2019

Ұқсас жаңалықтар