- Бүгінгі таңда Мұнайлы ауданының Басқұдық елді мекеніндегі №9 о/м жанынан 320 орындық, Атамекен ауылындағы №7 о/м жанынан 320 орындық, Батыр ауылында 960 орындық мектептің құрылысы, Түпқараған ауданының Ақшұқыр ауылында 600 орындық мектептің құрылыс жұмыстары басталды. Ақтау қаласында 34 шағын ауданнан 900 орындық жаңа мектеп бой көтермек. Жаңадан салынып жатқан шағын аудандардағы мектеп жасындағы 1033 баланы аталған жаңа мектеп пайдалануға берілгенше 32 «б» ш/а орналасқан облыстық дарынды балаларға арналған мектеп қабылдамақ», - деді Н.Қойжанов.
Қарақия ауданының Жетібай ауылындағы 600 орындық мектеп құрылысы бойынша жобалау-сметалық құжаттар әзірленіп, ұсыныс Министрлікке жолданған.
Аталған жобалардан бөлек 2020-2024 жылдарға жоспарланған 19 инвестициялық жобалардың тізімі бекітілген (Ақтау -7, Жаңаөзен -2, Қарақия – 1, Мұнайлы -5, Түпқараған -5, Бейнеу - 3).
- «Ақтау қаласындағы 29 ш/а орналасқан №28 орта мектепке күрделі жөндеу жүргізуге бастапқыға 20,0 млн теңге бөлінді және 363,5 млн теңгеге 101 мектепке, сонымен қатар 86,0 млн. теңгеге 46 балабақшаға жеңіл жөндеу жүргізілді», - деді Н.Қойжанов.
Биылғы жаңа оқу жылында 151 680 оқушы, оның ішінде жаңартылған мазмұнға көшетін 4, 9, 10 сыныптарға 33 772 оқушы мектепке барады деп күтілуде. Аталған сынып оқушыларына 100%, қалған сыныптарға қор жинау циклы бойынша барлығы 1 124 684 дана оқулық сатып алынбақ.
Мектеп өнімдерін (форма, кеңсе тауарлары және т.б.) сататын кәсіпкерлерге жаңа оқу жылына бағаларды төмендету туралы ұсыныс беріліп, алыс елді мекендерге арнайы барып мектеп тауарлары жәрмеңкесін ұйымдастыру жоспарланған.
БАҚ-да жарияланған Ақтаудағы 6-шағын аудандағы мектептің кітаптарынан табылған қандала мен мұғалімдердің кешіктірілген жалақысы бойынша сұраққа басқарма басшысының міндетін атқарушы былай деп жауап берді.
- Қандалаға қатысты аталған жайт бойынша тексерісті Ақтау қалалық білім бөлімі жүргізуде. Тексеріс аяқталған соң, ресми түрде мәлімдеме жасалынады. Ал, мұғалімдердің кешіктірілген жалақылары бүгінде толық төленді, деді Н. Қойлыбаев.
Маңғыстау облысы
