Жаңа мүмкіндіктер тиімділігі

Жиында университет ға­­лым­дары мен жастары Президент Жолдауы бойынша көпшілік алдында баяндама жасап, өз ойларын ортаға салды.

«Президент жанынан арнайы кеңес құрылатын болды. Ол негізінен халықпен тікелей байланысып отырады. Демек би­лік халыққа жақындай түседі деген сөз. Бұл мемлекеттік бас­қа­рудағы жаңаша бағыт деп бі­лемін. «Ауыл – ел бесігі» атты жоба бойынша бүгінде өте жақсы жұмыстар басталып жатыр. Оның келешегі де зор болады. Себебі жоғарғы билік ауылымызға жақындай түсуде. Ауыл көркейсе, ауыл­ша­руашылық саласы да көркейетіні сөзсіз. Себебі халқымыздың 42 пайызы әлі де болса ауылдық жерлерде тұрып жатыр. Міне, біз осы құндылықтарымыздан айрылып қалмауымыз керек. Ауыл көтерілмей, экономика дамымайды! Бұл – факт. Ауылды жерлерді дамыту мен қоса, ауыл шаруашылығы саласына да ерекше мән беруіміз керек. Оған білім ордалары да тиісті деңгейде атсалысуы тиіс.

Президент жер мәселесі төңі­регінде нақты тапсырма­лар берді. Біздің басты құн­ды­лығымыз да осы жер. Жерді тиімді пайдалану – басты мін­дет. Ол үшін ғылымдағы жаңа мүм­кін­діктерді де тиімді пайда­лануы­мыз қажет. Мысалы, біздің база­мызда ҒАЖ орталы­ғының (Ғарыштық ақпараттық жүйе­лер) мүмкіндігі зор. Осы бір мүмкіндікті ұтымды пай­даланудың қыр-сырын жер пайда­ланушыларға түсіндіре беруі­міз қажет. Бір кезде түрлі жол­мен ауқымды жер телімдеріне иелік етіп қалған латифундис­тер­дің иелігіндегі жер мемле­кетке қайтарылуы мүмкін. Оларға ең әуелі кешенді тексеру жүр­гізу керек. Егер шын мәнісінде иге­рілмей жатқан жерлері бар болса, мемлекет меншігіне қай­таратын болады. Мысалы Сол­түстік Қазақстан, Ақмола, Қос­танай облыстарында игерілмей жатқан 1,2 млн гектар жер бары анықталды. Жер бұлай игерілмей жатпауы керек. Енді осы салада да көп еңбек етуіміз керек. Ол үшін ең алдымен бізге қойылатын талап – сапалы маман даярлап шығару. Тапсырмаға сай қазір жоғары оқу орындарының алдында жауапкершілігі өте зор осындай міндет тұр», деді университет ректоры Ақылбек Күрішбаев.

«Әлеуметтік жаңғырудың жаңа кезеңі» деп аталатын ІV тарауда білім саласының бүгінгі ахуалы мен қойылатын талаптарға басымдық беріліп отыр. Аталған сала бойынша ҚазАТУ-дің бірінші проректоры А.Әбдіров жоғары оқу орындарындағы білім беру мәселелеріне тоқталды. Ол білім берудегі практикалық дайындықты сынға алды. Оның айтуынша, студенттердің прак­тикалық даярлығын университет қабырғасында жоғары деңгейде ұйымдастыру қажет. Себебі болашақ маман өндірісте қауқарлы болуы керек. Сондай-ақ А.Әбдіров Қасым-Жомарт То­қаевтың Қазақстан халқына ар­наған Жолдауында айтылған «Дипломмен – ауылға!» бағдар­ламасын одан әрі жетілдіріп, мүмкіндігінше бағытқа ба­сымдық беру керектігін айтты.

Университет «Академиялық адалдық лигасының» айқын мақсаттарына сәйкес білім сапасын жақсартуды қолға алды. Ендігі кезекте университет әкім­шілігі оқытушылар немесе сту­денттердің білім саласына сәй­кес ережелерді бұзған заңсыз іс-әрекеттерін назарда ұстамақ.

Жолдауды талқылау барысында жастар да назардан тыс қалған жоқ. Бүгінде олар үшін мүмкіндіктердің жаңа көкжиегі ашылып отыр. Жастар өкілдері алдағы жылдың «Еріктілер жылы» болып белгіленгеніне қуанышты.