Ұлттық қоғамдық сенім кеңесі – Қазақстан Президенті жанындағы консультативтік-кеңесші орган.
Кеңестің негізгі мақсаты – жұртшылықтың, саяси партиялардың, азаматтық қоғам өкілдерінің қатысуымен мемлекеттік саясатқа қатысты өзекті, маңызды мәселелер бойынша бастамаларды, ұсыныстарды тұжырымдау. Сонымен қатар тұжырымдамалардың, мемлекеттік бағдарламалар мен нормативтік-құқықтық актілердің жобаларына қоғамдық сараптама жүргізу, жұртшылықтың, азаматтық қоғамның пікірін ескере отырып маңызды стратегиялық проблемаларды қарау, сындарлы диалогты қамтамасыз ету – кеңестің негізгі міндеттері.
Ұлттық кеңес құрамына саяси партиялар өкілдері, қоғам белсенділері, сарапшылар, жастар ұйымдарының көшбасшылары енген.
Осыған дейін Президент жанындағы Ұлттық қоғамдық сенім кеңесінің Бірінші отырысын 2019 жылғы 6 қыркүйекте Нұр-Сұлтан қаласында өткізу жоспарланғанын хабарлаған еді.
