Экология • 13 Қыркүйек, 2019

Каспий тазалығына қатысты жоба қолға алынбақ

103 реткөрсетілді

«Теңізшевройл» компаниясы «Гидробиология және экология институты» және «ЭкоМаңғыстау» ұйымымен бірлесіп Каспий теңізіндегі лақтырылған ауларды жинау бойынша жобаны іске қоспақ. Бұл туралы жоғарыда аталған екі ұйымның директоры Миірғали Баймұқанов пен Кирилл Осин мәлім етті.

- Лақтырылған аулар балықтарды қоса алғанда, итбалықтардың, сондай-ақ теңіз жағалауында демалып жатқан адамдардың да өміріне қауіп төндіруі мүмкін. Осы қауіпті факторларды ескертуге және жоюға бағытталған шараны іске асыру Каспий итбалығының популяциясын және жалпы теңіздегі биоалуантүрлілікті сақтауда пайда әкеледі деп күтілуде, дейді «Гидробиология және экология институтының» директоры Миірғали Баймұқанов.

Мамандардың айтуынша, лақтырылған аулар мен қоқыстар итбалықтардың өліміне негізгі себепші факторлардың бірі. Тасталған ау қалдықтары итбалықтардың денесіне жабысып, зақым келтіреді, соңында олардың өліміне алып келетін жағдайлар тіркелген. Бұған 2015-2018 жыл аралығы  Каспий теңізіндегі итбалықтарға жүргізілген зерттеу барысы дәлел. Мониторинг өзге де қалдықтардың көптеп тасталынатынын көрсеткен.

- Жоба 2019-2021 жылдар аралығы іске асырылады. Осы уақыт аралығында ҮЕҰ командасы мен өзге де тараптар теңіз сүтқоректілерін құтқарушыларды дайындау курстарына қатысып, итбалықтарды және бекіре тұқымдас балықтарды аулардан құтқару әдіс-тәсілдерін үйренбек. Каспий теңізінің жағалық сызығын және су бөлігін тазарту бойынша кең науқан өткізіледі. Сондай-ақ, Каспий теңізі жағалауының қазақстандық бөлігіне  мониторинг жасау, теңізді лақтырылған және иесіз аулардан тазарту үшін мүдделі тараптарға жедел ақпарат ұсыну, жараланған итбалықтарға санақ жүргізу және оларды қорғау жұмыстары да іске аспақ, дейді мамандар.

 

 

Маңғыстау облысы

                          

 

 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар