Шараны өткізген қалалық балалар кітапханасының қызметкері Гүлмира Есниязованың айтуынша, аталған шараға кітапхананың тұрақты оқырманды, сондай-ақ қаладағы №69,81,93 мектептердің оқушылары мен ата-аналары арнайы шақырылып, отбасы құндылықтарының маңызы туралы пікір алмасқан ерекше кездесу болды. «Бұл кітапханамызда өтетін бір ғана шара емес. Кітапхана қызметкерлері отбасындағы тәрбие, ұлтымыздың салтына қатысты оқыту сағаттарын тұрақты өткізіп тұрады. Оның барысында балаларды да, ата-аналарды да кітап оқуға баулу, отбасындағы қарым-қатынас, сыйластық пен қамқорлық сияқты ізгі қасиеттердің маңызы туралы кеңінен әңгімеленеді. Осы бағытта еліміз қайраткерлерінің, ақын-жазушыларымыздың шығармаларын оқып отыру дәстүрге айналған»,- дейді Гүлмира Есниязова.
Отбасы құндылықтарын дәріптеуге байланысты кітаптар туралы айтып өткен маман И.А.Крылов атындағы кітапхана қорында өткен ғасырдың 70-ші жылдарынан бергі аралықта орыс тілді кітаптардың 30 шақтысы сақталса, қазақ тіліндегі кітаптар кемшін дейді. Десек те кітапхана қорында сақталған классиктеріміз М.Әуезов, Б.Соқбақбаев, С.Мұратбеков, М.Мақатаев, М.Қабанбай, сондай-ақ Ш.Күмісбайұлының балаларға арналған шығармаларына сұраныс жоғары. Кітапхана оқырмандары сонымен қатар әлемдік әдебиет өкілдерінің де кітаптарына қызыушылық танытып, үйге жаздырып оқуды дәстүрге айналдырған.
Кітапхана қызметкерлері осы бір жақсы дәстүрді жалғастыра отырып, Президент алдымызға мақсат етіп қойған отбасы құндылықтары мәселесін нығайтуда әрбір отбасы өз әліппесін қалыптастырып, рухани толысуы іргесі мықты елдің кепілі болмақ деген пікірде.
АЛМАТЫ
