Қоғам • 19 Қыркүйек, 2019

Білім болашақтың қандай болатынын айқындайды - Б. Сапарбаев

203 рет
көрсетілді
1 мин
оқу үшін

Бүгін Алматыда Халықаралық QS WorldWide білім форумы өтіп жатыр. Премьер-Министрдің орынбасары Бердібек Сапарбаев форумға қатысушылардың барлығын маңызды әрі қажет шарамен құттықтады. Бұл туралы primeminister.kz хабарлады.

Білім болашақтың қандай болатынын айқындайды - Б. Сапарбаев

Ол Премьер-Министр Асқар Маминнің құттықтау хатын оқып берді: «Бүгінгі саммиттің БҰҰ-ның “Академиялық ықпал ету” бағдарламасының тұрақты даму бойынша жаһандық хабы саналатын әл-Фараби атындағы Қазақ ұлттық университетінің қабырғасында өтуінің символдық мәні зор. 

Еліміз білім және ғылым жүйесінің бәсекеге қабілеттілігін арттыру міндетін шешуде. Университеттерге академиялық дербестік берілді. Бұл шаралардың барлығы университеттердің ғылыми білім беру, технологиялық және гуманитарлық кеңістіктегі ықпалын арттыруға бағытталған.

Б. Сапарбаев Форумның әл-Фараби атындағы ҚазҰУ-де өтуінің өзіндік мәні бар екенін атап өтті: «Келер жылы Қазақстан екі ағартушы – әл-Фарабидің 1150 жылдығы мен Абайдың 175 жылдық мерейтойларын атап өтеді. Бүгінгі конференцияны осынау ұлы ғұламалардың мерейтойлары қарсаңындағы маңызды шаралардың бірі деп атауға әбден болады».

Айта кетерлігі, Форумға қатысушылар есімі университетке берілген ұлы Ойшылдың мәдени мұрасына арналған әл-Фарабидің музейінде болды. Музейге құнды материалдар мен әлем музейлері мен кітапханаларындағы түпнұсқа экспонаттарының көшірмелері және заманауи Қазақстанның әлеуметтік-мәдени жаңғыруы, рухани және ғылым-білім саласын дамыту, Елбасы Н.Ә. Назарбаевтың «Мәдени мұра» мемлекеттік бағдарламасын жүзеге асыруда еліміздің мәдени мұрасын сақтау және тиімді қолдануды қамтамасыз ету жөніндегі ауқымды құжатты материалдар қойылған.

Соңғы жаңалықтар

Су үнемдейтін қондырғы

Технология • Кеше