Саясат • 20 Қыркүйек, 2019

Сенат Төрағасының орынбасары Бектас Бекназаров Минскіде халықаралық конференцияда сөз сөйледі

28 реткөрсетілді

Қазақстан Республикасы Парламенті Сенаты Төрағасының орынбасары Бектас Бекназаров Минскіде «Еуразиялық экономикалық одақ туралы шартқа бес жыл: Соттың рөлі» халықаралық конференциясына қатысып, Қазақстан Республикасының Тұңғыш Президенті – Елбасы, Жоғары Еуразиялық экономикалық кеңестің Құрметті Төрағасы Нұрсұлтан Назарбаевтың құттықтауын оқып берді. Бұл туралы Парламент Сенатының баспасөз қызметі хабарлады. 

«2019 жыл – М.Ломоносов атындағы Мәскеу мемлекеттік университетінің қабырғасында өзім ұсынған еуразиялық интеграция идеясының 25 жылдығы және Еуразиялық экономикалық одақ туралы шартқа қол қойылуының 5 жылдығы мерейтойлық даталармен ерекшеленіп отыр», делінген Елбасының жеделхатында.

Еуразиялық экономикалық одақ 180 миллионнан астам халқы бар бес мемлекеттің әлеуетін біріктіріп отырған маңызды интеграциялық ұйым болып табылады. ЕАЭО қызметі тең құқықтық, өзара тиімділік және бір-бірінің мүдделерін құрметтеу қағидаттарына негізделген.

«Экономикалық интеграцияны құқықтық тұрғыда қамтамасыз ету оны нәтижелі дамытудың ажырамас әрі міндетті шарты болып табылады. Сондықтан ЕАЭО сотының шаруашылық жүргізуші субъектілердің өтініштерін қараудағы және ЕАЭО құқығын мүше мемлекеттер мен Одақ органдарының, сондай-ақ Одақтың үшінші тараптармен халықаралық шарттарын біркелкі қолдануды қамтамасыз етудегі рөлі ерекше», делінген Н.Ә.Назарбаевтың жеделхатында.

Жоғары Еуразиялық экономикалық кеңестің Құрметті Төрағасы ЕАЭО Соты ЕАЭО құқығын түсіндіру бойынша өз міндеттерін табысты орындап, туындаған даулы жағдайларды объективті түрде шешуіне, ол біздің ортақ ісіміздің дамуына баға жетпес үлес болатынына сенім білдірді.

Конференцияда сөйлеген сөзінде Сенат Төрағасының орынбасары Б.Бекназаров ЕАЭО мемлекеттері арасындағы экономикалық құқықтық қатынастардың алуан түрлілігі, тауарлар мен жұмыс күшінің еркін қозғалысын қамтамасыз ету қажеттігі ЕАЭО Сотынан құқықтық кеңістіктегі олқылықтарды тез әрі тиімді толтыруды, мүше мемлекеттердегі қазіргі кездегі құқық қолдану проблемаларын жою мақсатында Одақ құқығындағы түсініксіздік пен екіұштылықты уақтылы жоюды талап ететінін атап өтті.

Қазақстанның белгілі ғалым-құқықтанушы, ТМД елдеріне кеңінен танымал Нағашыбай Шайкенов кезінде «Әлсіздерді күштімен теңестіруге, оларға тең мүмкіндіктер беруге құқық және тек қана құқық қабілетті», - деген болатын.

«Барлық мүше мемлекеттер тауарлар мен жұмыс күшінің еркін қозғалысы тиісті деңгейде құқықтық қамтамасыз етілген ЕАЭО-да тең құқықтар мен мүмкіндіктерді пайдалануы тиіс», деді Б.Бекназаров. 

Бектас Бекназаров сөз соңында ЕАЭО туралы шартты, сондай-ақ Одақ Сотының мәртебесін одан әрі жетілдіру ЕАЭО мүше-мемлекеттері ішіндегі тауарлар мен жұмыс күшінің еркін қозғалысындағы кедергілер мен кедергілерді уақтылы жоюға мүмкіндік береді деген пікірін білдірді.

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар