Мемлекет басшысы халыққа Жолдауында шағын және орта бизнес - қала мен ауылды дамытудың берік негізі екенін атап өтті.
Елорда әкімі А. Көлгіновтың айтуынша, отандық бизнесмендер әлеуметтік нысандардың ашылуына ерекше көңіл бөле бастады.
«Қалада жеке меншік балабақшалар саны артып келеді, қазір бізде 213 жекеменшік балабақша, 14 жекеменшік емхана, 23 мыңға жуық оқушы орнымен қамтамасыз етіп отырған мектеп бар», деді А. Көлгінов.
Қала әкімдігі «Атамекен» ҰКП-мен бірлесіп бизнесмендер «бір терезе» қағидаты бойынша барлық қажетті қызметтерді ала алатын «бизнеске арналған үкімет» алаңын іске қосуды жоспарлауда.
Әлеуметтік кәсіпкерлікті дамыту үшін «1000 орын – көше саудасы» жобасы табысты жұмыс істеуде. Жоба аясында 1,5 мыңнан астам жұмыс орны ашылып, 1 млрд-тан астам жеке инвестициялар тартылды.
«Атамекен» өңірлік палатасының директорының айтуы бойынша «1000 сауда орны» жобасына қатысу үшін әлеуметтік осал топтар үшін сауда нүктелерін береді.
Соңғы 10 жылда ШОБ субъектілерінің саны 5 есе өсті, бұл салада халықтың 60% - ға жуығы жұмыспен қамтылған. Өнім шығару көлемі 800 млрд теңгеден 5 трлн теңгеге дейін өсті. Бизнес өкілдерімен кездесулер жүйелі түрде өтеді. Қала әкімі кәсіпкерлерді «бизнеске арналған үкімет» алаңында жеке қабылдайды.
