Үкімет басшысы Қытай парламентінің басшыларымен «Нұрлы жол» қазақстандық бағдарламасы және «Бір белдеу – бір жол» қытай бастамасы аясындағы ынтымақтастықтың келешегін, оның ішінде Қазақстанның транзиттік-көлік әлеуетін дамыту мәселесін талқылады.
АХҚО басқарушысы Қ.Келімбетов Қазақстан Премьер-Министрі мен БХӨЖ ТК төрағасын «Бір белдеу – бір жол» бастамасы аясындағы АХҚО жұмысымен, сондай-ақ АХҚО биржасының, соты мен халықаралық арбитраж орталығының дамуымен таныстырды.
«АХҚО – Қазақстанның ірі жобаларының бірі. Ол аймақтағы жетекші қаржы орталығына айналуы тиіс», деді А.Мамин өз сөзінде.
ҚХР атынан АХҚО-ға қатысушы – Қытай құрылыс банкінің, Шанхай қор биржасының, «СИТИК секьюритиз» компаниясының, Қытай Мемлекеттік даму банкінің өкілдері АХҚО алаңындағы Қазақстан-Қытай ынтымақтастығының жай-күйі мен перспективалары туралы, оның ішінде қытай юанымен операциялар жүргізу үшін Есептеу-клиринг орталығын құру жайлы айтып берді.
