Аймақтар • 24 Қыркүйек, 2019

Полицейлер қамқорлығындағы жігіт шаңырақ көтерді

16 реткөрсетілді

Қостанайда күнде той, жастар шаңырақ көтеріп ақ тілектер ақтарылып жатады. Жақында бір ерекше той болды. Қостанайдағы балалар үйінің тәрбиеленушісі Николай Жиделев көп жылдар бойы облыстық полиция департаментінің қамқорлығында болған еді.

Қадағалаудың арқасында ол бала кезінен қисық жолға түсіп кетпей, еңбекқор болып өсті. Жігіт­тік жасқа жеткен Николай енді өзінің сүйіктісін тауыпты. Бұл көп жылғы қамқорлық пен тәрбиенің қайтарымындай, полицейлердің де қуанышына айналды. Облыстық полиция департаментінің басшылығы мен облыстағы жастардың ресурстық орталығының ұжымы бірлесіп, екі жастың шаңырақ көтеруіне орай әлеуметтік той өткізді.

Салтанатты неке қию сәтінде жас жұбайларды облыстық полиция департаментінің кадр сая­саты басқармасының бастығы Бағдат Итесов құттықтады.

– Халқымыз баланы ешқашан қараусыз қалдырмаған. Бұл тәуелсіз еліміздегі қоғамда да жал­ғасын тауып отыр. Адамға адамның жылуы, қамқорлығы керек. Міне, бүгінгі той соның нәтижесі. Николай еңбекқор, ең бастысы, жақсы көре алатын жүрегі бар жігіт. Ол өзінің отбасының үлгілі отағасы болатынына сенеміз, – деп жас жұбайларға барлық полицейлер мен департамент басшысы Бекет Аймағамбетовтің атынан жақсы тілек айтқан Бағдат Итесов олар­ға сыйлық та тапсырды.

Жастардың ресурстық орта­лығының сектор жетекшісі Ләйла Бексейітова жастардың ғаламтор арқылы танысқанын айтады.

– Николай өзінің ата-анасын ешқашан көрмеген. Қалыңдық Вераның жесір анасының да той жасауға мүмкіндігі жоқ екен. Осы тойды 2-3 айға кешіктірдік, себе­бі демеушілер іздестірдік. Міне, тойдың ерте-кеші жоқ екен, – дейді Ләйла. Жастар тойы сый­лықсыз қалмады. Оларға құнды сыйлық тарту еткен жандардың арасында облыс әкімі Архимед Мұхамбетов те бар.

Полицейлер Николайдың жас отбасын алдағы уақытта да қол­дап отыратындықтарын жә­не оны жұмысқа орналастыру жа­­ғын да қарастыратындығын айтты.

 

ҚОСТАНАЙ

 

Соңғы жаңалықтар

Театрдың онлайн тартуы

Руханият • Бүгін, 20:42

Үй жануарынан вирус жұға ма?

Коронавирус • Бүгін, 18:39

Алтын қорымыз көбейіп келе жатыр

Қазақстан • Бүгін, 17:30

Ақмолада тағы бір науқас анықталды

Коронавирус • Бүгін, 16:07

Тасқынның бүгінгі ахуалы

Аймақтар • Бүгін, 15:42

Салехардтан келген циклон

Аймақтар • Бүгін, 15:30

Елордада жалпы жағдай тұрақты

Коронавирус • Бүгін, 14:50

Футбол маусымы жалғаса ма?

Спорт • Бүгін, 14:48

Ұқсас жаңалықтар