Аймақтар • 24 Қыркүйек, 2019

«Саналы ұрпақ» жұмысқа кірісті

63 реткөрсетілді

Статистикалық мәлімет­терге жүгінетін болсақ, Түркістан облысында сы­бай­лас жемқорлыққа қатысты 2016 жылы – 209, 2017 жылы – 385, 2018 жылы – 109, 2019 жылдың 7 айында 56 қылмыстық құқық бұзушылық тіркел­ген. Яғни, жылдан-жылға өңірде қылмыстық факті­лер азайып келеді. Бұл көр­сет­кіштің төмен­дей түсуіне Сыбайлас жемқор­лыққа қарсы іс-қимыл агенттігі Түркістан облысы бойынша департаменті жүзеге асырған игі шаралар мен бастамалардың септігі тиері анық.

Жуырда департаменттің ұйым­­­дастыруымен өткен, өске­лең жас ұрпақтың өн бойына адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру мақсатындағы «Адалдық сағаты» өңірдегі 903 мектеп, 68 колледж, 2 жоға­ры оқу орнын қамтыды.                

Өңір­дегі жалпы саны 50 мыңға жуық білім алушыны қамтыған шара­да қазақтың бойында бағзы­дан қалыптасқан адалдық құнды­лықтары, тағылымға толы тарих беттеріндегі әділдікті ту ет­кен кемеңгерлердің туралығы кеңінен әңгімеленді. Арнайы әзірленген бейнеролик арқылы адалдық – парасаттылықтың ең биік шыңы, әрі адам бойындағы ең асыл қасиет екендігі жіті тү­сіндірілді. Қ.А.Ясауи атын­­дағы Халықаралық қа­зақ-түрік уни­верситетінің сту­дент­теріне дәріс оқыған агент­тіктің Түркістан облысы бойынша департаменті басшысы Х.Көшқалиев сыбайлас жемқорлыққа қарсы қарқынды күресу ел саясатының негізгі ба­сым бағыттарының бірі екен­дігін атап өтті. «Жалпы, елі­міз­дегі сыбайлас жемқорлық дең­гейін төмендету бағытында жа­салып жатқан пәрменді шараларды халықаралық ұйымдар жоғары бағалап отыр. Мәселен, «Транспаренси Интернэшнл» рейтингінде Қазақстан 31 ұпай жинап, жемқорлықтың тө­менгі деңгейі аймағына кірді. Бұл Қазақстанның рейтингте болған барлық уақытындағы ең жоғары көрсеткіш. Біз осы арқылы көршілес Ресей, Украина, Түрікменстан, Өзбекстан және Қырғызстаннан жоғары болып отырмыз. Өз кезегінде, агенттік бастамасымен бүгінгі күні білім ошақтарында жем­қорлыққа қарсы мәдениетті қалып­тастыруға бағытталған бірқатар жүйелі жұмыстар жасалуда. Еліміздегі барлық мектептерде «Адал ұр­пақ» ерікті мектеп клубтары құ­рылған», деді Х.Көшқалиев.

Жалпы адамгершілік және ұлттық құндылықтар аясында өскелең ұрпақтың бойына сыбайлас жемқорлыққа қарсы мәдениетті қалыптастыру және оған қарсы тұруға дайын тұл­ғаларды тәрбиелеу негізгі мақ­саты саналатын «Адал ұр­пақ» клубы 903 мектепте бар. Бұған қоса, барлық жоғары және кәсіптік-техникалық білім беру ұйымдарында сыбайлас жем­қорлық жағдайларын анық­тау мақсатында студенттер ара­сында сауалнама жүргізу бағы­тындағы «Саналы ұрпақ» жо­балық кең­селері ашылған. Нақтырақ айтсақ, облыста 28 білім ошағында «Са­налы ұрпақ» кеңселері жұмыс істеуде.

Күні кеше департаменттің ұйым­дастыруымен Түркістан қаласында алғаш рет өткі­зіл­ген «Күзгі марафон» қайы­рым­­дылық шарасы да жас ұр­пақты ізгілікке, адалдыққа, ме­йірімділікке үндейді. «Мейі­рім­ділік үлгісі» акциясы шең­берінде өткен марафонға қатысушылар ерікті түрде 1000 теңге және одан жоғары қа­тысу жарнасын төлей отырып, қайырымдылық шараға өз үлес­терін қосты. Облыстық полиция департаментінің басшысы, генерал Қ.Дәлбеков, об­лыстық соттың Азаматтық істер жөніндегі сот алқасының төрағасы Т.Бекімбетов және басқа да басшылар қатысқан марафон «Президенттік миль» дәстүрлі жеңілатлетикалық жүгірісі ретінде 2400 метр қа­шықтықта өткізіліп, жарыс же­ңім­паздары кубокпен және арнайы жүлделермен марапатталды.

Ұйымдастырушылардың мә­лім­деуінше, марафоннан түс­кен 500 мың теңгеге жуық қаражат «Түркістан жоғары ме­­дицина» колледжінде білім алып жатқан, әлеуметтік жағ­дайы төмен отбасылардан шық­­қан жастардың бірінші жар­тыжылдық оқу ақысын төлеуге жұмсалады. Осындай игі істер арқылы Сыбайлас жем­қорлыққа қарсы іс-қимыл агенттігі Түр­кістан облысы бойын­ша де­партаменті жастарды адал­дық­қа, қарапайымдылыққа, жаман әдеттерден аулақ болуға, білім мен еңбекке ұмтылуға үн­дей отырып, құқықтары мен бостандықтарын ұғындыруды, жемқорлыққа байланысты құқық бұзушылықтың алдын алуды мақсат етіп отыр.

 

Түркістан облысы

Баннер
Соңғы жаңалықтар

Нұрлыбектің домбырасы

Руханият • Бүгін, 12:13

«ХАТ ҚОРЖЫН»

Қазақстан • Бүгін, 12:01

Күлкі керуені

Руханият • Бүгін, 11:14

Екі қола медаль еншіледі

Бокс • Бүгін, 09:57

«Барыстың» қарқыны қатты

Хоккей • Бүгін, 09:52

Кипрді де жеңе алмадық...

Футбол • Бүгін, 09:51

«Қара алтынды» қапысыз ағызған

Қазақстан • Бүгін, 09:44

Қыз әулие

Руханият • Бүгін, 09:34

Қайталанбас қымыз дәмі

Қазақстан • Бүгін, 09:33

Рухани жаңғырған ауыл

Руханият • Бүгін, 09:28

Екіжақты келісімге қол қойылды

Қазақстан • Бүгін, 09:26

Тәлім мен тәжірибе ұштасқан ұя

Қазақстан • Бүгін, 09:10

Жамбылдықтардың жарқын жобасы

Аймақтар • Бүгін, 08:36

Түгел түркіні түгендеген

Әлем • Бүгін, 08:20

Кей өңірлерде ауа райы өзгереді

Аймақтар • 12 Қазан, 2019

Ең қысқа әңгіме. Иесіз зындан. Дидар АМАНТАЙ

Ең қысқа әңгіме • 12 Қазан, 2019

Ең қысқа әңгіме. Ислам Қабылұлы

Ең қысқа әңгіме • 12 Қазан, 2019

Сенаторлар сенбілікке шықты

Қазақстан • 12 Қазан, 2019

Ұқсас жаңалықтар