Қоғам • 25 Қыркүйек, 2019

Мұқтаждық пен масылдықтың аражігі

24 реткөрсетілді

Бүгінде Қарағанды облысында Nur Otan партиясының бастамасымен құрылған мобильді топтар өңірдің түкпір-түкпірін аралап, жастарға қайта оқыту және жұмысқа тұру бойынша мемлекеттік бағдарламалар туралы түсіндіру жұмыстарын белсенді түрде жүргізуде.

Жыл басынан бері осы шара­ арқылы 4 мыңнан астам адам қажетті кеңес алуға ниет біл­дір­ген. Тіпті, солардың көбі өзде­ріне­ ұнайтын жұмыс тауып немесе қысқа мер­­зімге оқыту курс­тарына барған.

Дегенмен, облыс тұрғын­дары­­ның бі­раз бөлігі аталған бағдарламалар мен ме­ха­низмдер туралы біле бермейтін болып шықты. Ендігі мақсат – ел арасын­да түсін­­діру жұмыстарын кү­шей­ту. Мәселен, бү­гінде өңір­де­ 500 дәнекерлеуші мен құ­рас­тырушы жетіспейді екен. Олар­дың ең­бекақылары да тәуір көрі­не­ді. Алайда бұл жұмыстарға бар­ғысы келетіндер өте аз.

Айта кету керек, Қарағанды облысында ­жастардың үлесі 22%-ды құрайды. Олар үшін өңірде биылдың өзінде 30 мың жаңа жұмыс орны ашылмақ.

Атқарушы билік өкілдері жас­тарды еңбексүйгіштікке тәр­биелеу басым бағыт­тағы ша­руа болуы керегін, оларға елі­мізде жұ­мыс істеп, тәуір ең­бек­­ақы алуға барлық жағ­­дай жа­салғанын түсіндірген жөн деп санайды.

Қарағанды облыстық жұмыс­пен қам­туды үйлестіру және әлеу­меттік бағ­дар­ламалар бас­қар­масының басшысы Әсем Жү­ніс­бекованың айтуынша, бү­гін­де жо­ғарыда айтылған жұмыстар же­місін бере бас­таған. Мысалы, Осакаров ауда­ны Есіл ауылында тұратын Дмитрий Пасько осы уақытқа дейін жұмыссыз бол­ған екен. Таяу­да ол «Жатва» шаруа қожа­лығына меха­низатор болып орналасып, тәп-тәуір ең­бекақы ала бастады. Тапқан табысына 1 тайынша, 9 шошқа, 10 балапан және 10 қаз сатып алыпты. Қазір жәр­демақы сұ­ра­май­ды.

Сондай-ақ Саран қаласының тұрғыны Ирина Логинованың еңбекпен қамту орта­лы­ғына хабарласқанға дейінгі отба­сы­лық табысы бар-жоғы 20 мың тең­ге болыпты. Таяуда Ирина Саран қала­сын­дағы «Теремок» дүкеніне сатушы бо­­лып орналасты. Отбасының табысы 65 500 теңгеден асты. Қазір Ири­наның жағ­дайы түзелген, ба­ласы «Балғын» деген бала­бақ­шаға орналасты. Бүгінде Ло­гинова ханымға төленетін жәрдемақының мерзімі аяқ­тал­ған. Ал оны қайта тағайындауға отбасы өтініш түсірмеген.

Қарағанды облыстық жұмыс­пен қамту­ды үйлестіру және әлеу­меттік бағдарла­малар­ бас­қармасы ұсынған дерекке сай, биыл 19 шілдеге дейін жұмыспен қамту ор­та­лық­тары­на, ХҚО-ларға, кенттік және ауылдық әкімдіктерге 20 мың­нан ас­там адам көмек сұрап, өтініш түсірген. Олар­дың ішінде 9355 адамға жәрдемақы тағайындалған.

2018 жылмен салыстырғанда АӘК ала­тын тұрғындар саны төрт есеге өсіп кет­кен. Ал бюджет шығыны алты есеге кө­бей­ген. Қазіргі таңда облыс­та­ құ­рамы­на ішкі істер ор­ган­дары­ның, мем­ле­кеттік кіріс, ең­бек коми­теті өкілдері кірген жұ­мыс тобы құры­лып, атаулы әлеу­мет­тік көмек алу­шылардың жеке ша­руа­шылық­тарын зерттеумен айналысады.

Облыс басшылығы әлеумет­тік көмек­ті заңсыз жолмен­ алып келген отбасылар­дан қайта­ры­латын қаражатты жіті қада­ғалап отыр. Сонымен қатар қай өңірде мұндай масылдық мінез-құлықтың жиі қайталанатынын анықтап, оларға тал­дау жасаумен де айналысып жатыр. Атау­лы әлеуметтік көмек тек қана мұқ­таж жан­дарға берілуі тиіс. Сондықтан жәр­дем­ақы тағайындау облыс әкімінің жеке бақы­лауында болады.

 

Қарағанды облысы

 

 

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар