Спорт • 26 Қыркүйек, 2019

Жанкүйерлерді қуанта алмады

54 реткөрсетілді

Ауыр атлетикадан Таиландта өтіп жатқан әлем чемпионатының кезекті жарыс күнінде 96 кило салмаққа дейінгі спортшылар сынға түсті. Бұл салмақ дәрежесінде отандасымыз, төрт дүркін әлем чемпионы Илья Ильин ел намысын қорғаған болатын.

Қазақстандық жанкүйерлер жүлде алады деп сенген Илья Ильин өкінішке қарай әлем біріншілігін 13-ші орынмен аяқтады. Жұлқа көтеру бәсекесінде Илья алғашқы мүмкіндігінде 165 килоны көтерсе, екінші мүмкіндігінде 168 килоны еңсерді. Ал соңғы мүмкіндігінде 171 кило зілтемірді бағындыра алмады.

Серпе көтеру бағдарламасында Ильин бірінші 195 кило салмақты көтергенімен, қалған екі мүмкіндігінде 200 кило зілтемірді еңсере алмады. Осылайша 96 килода сынға түскен ол қоссайыс қорытындысы бойынша 363 (168+195) килоны бағындырып, әлем чемпионатын 13-ші орынмен аяқтады. Биылғы Азия біріншілігінде Ильин 5-ші орын алған еді.

Баннер
Соңғы жаңалықтар

Ең қысқа әңгіме. Қанат Әбілқайыр

Ең қысқа әңгіме • Кеше

Ең қысқа әңгіме. Арман Әлменбет

Ең қысқа әңгіме • Кеше

Күлкі керуені № 2

Руханият • Кеше

Баянғали туралы баян

Руханият • Кеше

Жаңа аялдамаға жаны қас

Аймақтар • Кеше

Ұқсас жаңалықтар