Жаңа кеңсенің ашылу рәсіміне қалалық соттың төрағасы Ербол Рахымбеков, сот жүйесінің ардагерлері, қалалық, аудандық және оған теңестірілген соттардың судьялары, сот мамандары, прокурорлар және медиаторлар қатысты.
«Фронт-кеңсенің негізгі жұмысы – соттың ашықтығын қамтамасыз етіп, қала тұрғындарының сот төрелігін жедел жүзеге асыру. Мұнда арызданған азаматтар уақытын жоғалтпай, нәтижелі ақпарат алуға барлық мүмкіндік жасалған», дейді Соттар әкімшісінің басшысы Нұрсұлтан Байтілесов.
Фронт-кеңседе прокурор, медиатор және адвокаттар қызмет көрсететін, ақпараттандыру және татуластыру бөлмелері бар. Сонымен қатар өз өзіне қызмет көрсету бөлмесімен қатар балаларға арналған бұрыштар бар. Кеңсенің кіреберісіндегі ақпараттандыру орталығында тұрғындар кеңес беруші қызметкерлердің көмегіне жүгіне алады. Кеңсе құқықтық қызметтерге қол жеткізу мақсатында заманауи техникалар және жайлы жиһаздармен жабдықталған.
ШЫМКЕНТ
