Руханият • 30 Қыркүйек, 2019

Түркияда Елбасы туралы кітап таныстырылды

11 реткөрсетілді

Өткен аптада Анкара қала­сын­да Қазақстанның Түр­кия­дағы елшілігі мен Халықаралық Түркі ака­демиясының ұйымдас­тыруы­мен тарихи Нахчы­ван келісімінің 10 жыл­дығына арналған басқосу өтті. Алқалы жиын аясын­да Түркі академиясы шы­ғарған «Түркі инте­гра­ция­сының архитекторы» кіта­бының тұсаукесері болды.

Басқосуға Түркия Респуб­ли­касы Президентінің Бас кеңес­шісі Ялчын Топчу, Түркі кеңе­сі жанындағы Ақсақалдар кеңе­сі­нің түрік мүшесі профессор Мұс­­­тафа Исен, Түркі кеңесі Бас хат­­­шысының орынбасары Өмер Ко­жаман, Халықаралық Түркі ака­демиясының басшы­сы Дар­хан Қыдырәлі, Қаза­қ­стан­­ның Түркиядағы елшісі Абзал Сапарбекұлы, Түркияның экс-мәдениет министрі На­мык Кемал Зейбек, сондай-ақ Әзер­бай­жанның, Қыр­ғыз­стан­ның, Өзбек­стан­ның елшілері, Түркия Ұлы ұлт­тық мәжілісі депутат­тары, аналитикалық зерт­теу орта­лықтары басшылары, шет­елдік дипломаттар, БАҚ өкілдері мен Түр­кияда білім алып жатқан қазақ­стандық сту­­дент­тер, диаспора өкілдері қатысты.

Іс-шара басталмас бұрын Түркия Ұлы ұлттық мәжілісінің төрағасы, профессор Мұстафа Шентоп және Түркияның астанасы – Анкара қаласының мэрі Мансур Яваштан жеделхаттар келіп түсті. ТҰҰМ төрағасы М.Шентоп өзінің жеделхатын­да Түркі ынтымақтастығы қазір­гі таңда белгілі дәрежеге жет­кен­дігіне назар аудара отырып, көпжақты саяси және эконо­микалық әріптестіктің жаңа белестерден өтуі жолында «Түркі интеграциясының архитекторы» атты кітаптың маңызды үлес қо­сатынына сенім білдірді.

Аталған шараның ашылуында сөз сөйлеген Қазақ­стан­ның Түркиядағы елшісі А.Сапар­бекұлы: «Түркі дүниесіндегі бірлік пен берекені, өзара қа­рым-қатынасты көздің қарашы­ғындай сақтау болашақ ұрпақ үшін де өте маңызды. Кітап – тасқа түскен таңбадай, санаға жазылып қалады. Сондықтан да Тұңғыш Президентіміздің түркі әлеміндегі рөлін толық­тай ашатын мемлекет басшы­ла­ры­ның, танымал саясаттану­шы­лар­дың, ғалымдар мен зиялы қауым өкілдерінің сали­қалы пікір­лері мен орамды ойлары топ­тас­тырылған осы кітап қолы­на тиген әрбір адам, біздің там­ыры тереңге жайылған бауыр­лас­­­ты­ғымызды терең түсінеді», деді.

А.Сапарбекұлы Тұңғыш Пре­зидент Н. Назарбаевтың тамыры бір туыс жұртты түгендеп, үзіліп қалған алтын арқауды қай­та жалғағанын, оның бастамасымен 2009 жылғы 3 қазанда Түркі кеңесі құрылып, Нахчыван келі­­сіміне қол қойылғанын атап өтті.

Түркі кеңесі Бас хатшысының орынбасары Ө.Кожаман Н.Назар­баевтың мық­ты ерік-жігері мен саяси көре­­ген­дігі арқасында Түркі әлемі ин­те­грация жолына түс­­ке­нін алға тартты. Түркі кеңе­сі­нің өткен 10 жылдағы жетіс­тік­­теріне тоқталып, қазіргі таң­да Түркі іскерлік кеңесі, Түркі уни­верситеттер бірлігі, Жастар плат­формасы сияқты институт­тардың бел­сенді түрде жұмыс істеп жат­қа­нын, «Орта дәліз» көлік жобасы іске қосылғанын, сондай-ақ жа­қында Еуропаның төрінде Буда­пеште Түркі кеңесінің офисі ашыл­ғанын айтты. Ө.Кожаман Өзбек­стан­ның Түркі кеңесіне қосыл­уын қуан­тарлық оқиға деп бағалады.

Сөзін түрік жұртшылығын бү­гінгі Түрік тілі мерекесімен құт­тықтаудан бастаған Халық­ара­лық Түркі академиясының Пре­зиденті Д.Қыдырәлі кітапта топ­тастырылған пікірлер мен мақалалардың авторлары жайында ақпарат берді. Сонымен қатар Тұң­ғыш Президент Н.Назар­баев­т­ы Ататүрікке те­ңей отырып, Түр­­­кі кеңесі, Түркі академиясы, Тү­рікПА сияқты ұйымдарға Елба­сы­­ның «түркі» атауын бергенін еске салды.

Н.Назарбаевтың 1990 жылдардан бастап түркі әлемінің интеграция­сына сабырлы және мақсатты түр­де еңбек еткенін айтып өткен Д.Қы­дыр­әлі, түр­кі әлемі бұл еңбегі үшін Елбасына Түр­кі ке­­ңе­­сінің Құрметті Төр­аға­­лығына ла­­йық көргенін жет­­кізді. Академия басшысы Н.Назарбаевтың тарих­­та ұлы түрік тұлғалары сынды өзі­нің өш­­пес із қалдырып, түркі бол­мы­сы­ның рухын асқақтатуда бар күш-жі­­ге­рін жұмсап келе жатқанын атап өтті.

Жиын барысында Д.Қыдыр­әлі аумалы-төкпелі жылдары азаттығын жариялаған Түркі елдерінің бауырлас Түркиямен байланыстарын қалыптастыруға өлшеусіз қолдау көрсеткен Намык Кемал Зейбек пен бүгін­де түркі әлемінің ынтымақ­тас­тығына зор үлес қосып жүрген Ялчын Топчуны Нахчыван келісімінің 10 жылдығына орай Академияның арнайы алтын медалімен марапаттады.

Түркияның танымал мемлекет және қоғам қайраткері Н.Зейбек Елбасы Н.Назарбаевты түркі әлемінің ұйытқысы ретінде бағалап, түркі әлемінің бүгінгі «Білге қағаны» деп сипатта­ды. Соны­­мен бірге ол Тұңғыш Пре­зи­­дент Н.Назарбаевтың түркі әле­міне жасаған тарихи еңбектері туралы жан-жақты айтып берді.

Н.Зейбек Н.Ә.Назарбаев­тың терең білім иесі екенін айта оты­рып, ол Ататүрікті ең жақ­сы зерт­теп, түсінген кісі дей ке­ліп, Елбасы Назарбаевтың соң­ғы шешімі бүкіл әлемді таңғал­дыр­ғанына тоқталды. «Бұл – Назар­баевтың халықтың ру­хын, ақыл-сезімін сезіне отырып қабыл­даған теңдесіз шешімі. «Пре­зи­дент Қ.Тоқаев Елбасының осы сара жолын жалғастыратын өте тә­ж­і­рибелі, парасатты, зиялы мем­­ле­кет­тік қайраткер» деп баға­лады.

Түркия Республикасы Пре­зи­дентінің Бас кеңесшісі Я.Топчу Пре­зидент Р.Ердоғанның кон­фе­рен­ция қатысушыларына сәле­мін жеткізе отырып, өз сөзін­де Н.На­зар­баевтың тек түркі әле­мі­нің тыныштығы үшін ғана емес, жал­пы дүние жүзіндегі бей­біт­­ші­лік пен тұрақтылық үшін тер төгіп келе жатқанын алға тартты. Түркі кеңесінің архитекторы Қазақ­станның Тұңғыш Пре­зи­денті Н.Назарбаев екенін және бұл ұйым­ның түпкі мақсаты дү­ние­­жүзіл­ік бейбітшілік, әділет, қауіп­­сіз­дік және тұрақты даму деп атап өтті.

Сөз соңында Я.Топчу бүгін тұ­сауы кесіліп отырған кітап түркі әле­мі­нің көшбасшысы Н.Ә.Назар­баев­ты барлық қыры­нан жақсы та­ны­туға мүмкіндік беретінін айтты.

Осыдан он жыл бұрын, 2009 жылғы 3 қазанда Әзербайжан Рес­публикасының Нахчыван қала­сында өткен саммит барысын­да Қазақстанның Тұңғыш Пре­зиденті Н.Ә.Назарбаевтың бас­та­ма­сымен «Түркі тілдес мемлекет­тер ынтымақтастығы кеңесін құру туралы» келісімге қол қо­йылып, жа­ңа халықаралық ұйым ірге көтер­ген болатын. Бүгін­де сол Түр­кі кеңесінің ауқы­мы кеңе­йіп, мүше мемлекеттер қа­тары Өзбекстанмен толы­ға­йын деп отыр. Сонымен қатар Мажарстан кеңеске бақы­лаушы мәртебесіне ие болды.

«Түркі интеграциясының архи­текторы» жинағына Түр­кі әлемінің көшбасшысы, Қазақ­стан Республикасының Тұң­ғыш Президенті – Елбасы Н.Ә.Назар­баев туралы бірқатар мем­­лекет бас­шыларының, таны­мал са­я­сат­керлердің, сарап­­шы­­лар­дың және зиялы қауым өкіл­­дері­нің пікірлері топтас­тырылған.

Авторлар Елбасының түбі бір түркі халықтарын жақын­дас­тырудағы ерен еңбегі мен сали­қалы саясатын, көшбас­шылық қасиеті мен даналық шешімдерін жан-жақты сараптайды.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар