Қоғам • 30 Қыркүйек, 2019

Алматыда бауырсақ фестивалі өтті

927 рет

көрсетілді

1 мин

оқу үшін

Қала күніне арналған шаралар әлі жалғасып жатыр. Алатау ауданы шаһар тұрғындары мен қонақтарына мерекелік сый жасады. Қымыз және бауырсақ фестиваліне келгендер ұлттық тағамдардан дәм татып, оның жасалу жолдарымен танысты. Бұл ақпаратты Алматы қаласы әкімдігінің баспасөз бөлімі хабарлады.

Сапарбай Парманқұлов

Қаланың қарбаласынан қолдары босамайтын жұрттың назарына 10-ға жуық қымыз бен бауырсақтың түрлері ұсынылды. Сондай-ақ мереке барысында қолөнер шеберлерінің де көрмесі ұйымдастырылды.

«Мұны басты бауырсақ дейміз. Ол ашыған қамырдан пісіріледі. Қонаққа сый-құрмет ретінде ұсынамыз. Ал мынау – ақ бауырсақ. Бұрын төрелердің дастарханына ақ бауырсақ салады екен», дейді Алматы қаласы Алатау ауданы ардагерлер ұйымының мүшесі Несіпхан Батырханова.