Аймақтар • 02 Қазан, 2019

Жапондық компания Жайық жағасын жөндейді

114 реткөрсетілді

Жайық өзенінің жағалауын бекіту жұмыстарын жапондық Tokyo Rope компаниясы қолға алады.

Бұған дейін әлемге әйгілі компания ТМД елдерінің ішінде алғаш рет Алматыда өкілдігін ашып, жұмысын бастаған. Енді Атыраудан кеңсе ашып, жаңа жобаларға қатысуға ықылас білдіріп отыр.

Tokyo Rope International компаниясының президенті Сато Кадзунори: «Атырау облысының экономикалық әлеуетін саралап қарадық. Қарқынды дамып келе жатқан аймаққа өзіміздің жоғары технологияларымызды тартып, бірнеше жобаларды іске асыруға ниеттіміз. Жағалауды бекіту жұмыстарын жүргізу, қатерлі дертпен ауыратындарға арналған медициналық орталық ашу жоспарда бар»,-дейді.

Компания өкілдігі кеңсесінің ашылу салтанатында облыс әкімі Нұрлан Ноғаев Tokyo Rope басшылығына серіктестіктері үшін ризашылығын айтып: «Ғасырлық тарихы бар компания алдыңғы қатарлы технологияларымен дүние жүзіне белгілі. Қазақстанның Тұңғыш Президенті - Елбасы Нұрсұлтан Назарбаев Жапонияға жұмыс сапары кезінде Tokyo Rope компаниясының басшылығымен кездесіп, жапон бизнесінің біздің елімізге келуіне бастамашы болған еді. Жақын болашақта өңіріміз үшін аса маңызды жобаларды бірге бастауды жоспарлап отырмыз. Жоғарыда аталған жобалармен бірге машинажасау секторында да ойға алған істер бар»,-деп атап өтті.

Мемлекет басшысының шетелдік инвестиция тарту туралы тапсырмасы мұнайлы өңірде жан-жақты орындалуда деп сеніммен айтуға болады. Қазір облыста шетелдік қатысы бар бір мыңнан астам компания жұмыс істейді. Еліміздің экономикалық әлеуетін көтеруге мүмкіндік беретін жарқын жобалар қатары әлі де толыға түспек.

Баннер
Соңғы жаңалықтар

Ең қысқа әңгіме. Қанат Әбілқайыр

Ең қысқа әңгіме • Кеше

Ең қысқа әңгіме. Арман Әлменбет

Ең қысқа әңгіме • Кеше

Күлкі керуені № 2

Руханият • Кеше

Баянғали туралы баян

Руханият • Кеше

Жаңа аялдамаға жаны қас

Аймақтар • Кеше

Ұқсас жаңалықтар