Кездесуге облыс әкімінің орынбасары Серік Егізбаев, әлеуметтік әріптестер, «Мемлекеттік, банк мекемелері және қоғамдық қызмет көрсету қызметкерлерінің салалық кәсіптік одағы» қоғамдық бірлестігінің төрағасы Мирболат Жақыпов қатысты.
– Әлеуметтік тұрақтылықты қамтамасыз ету, екіжақты серіктестікті дамыту мақсатында кәсіподақтар мекемелермен тығыз байланыста жұмыс істеуі қажет. Кез келген еңбек дауын мәмілемен шешуге болады. Кез келген келіспеушілік алдымен ұжым ішінде реттелуі керек. Ал кәсіподақтар осы мәселелерді дау-дамайға жеткізбей, оңтайлы шешуге тікелей араласып, оны шешу жолдарын қарастыруы қажет. Біздің міндетіміз – кәсіподақтың нақты жұмысын, қол жеткізген нәтижелерін көрсету арқылы кәсіподақтың беделін көтеру – деді Ералы Лұқпанұлы.
Кездесуде кәсіподақ мүшелігін арттыру, кәсіподағы жоқ мекемелер мен компанияларда ұйым құру, еңбек адамының құқығын қорғау, оларға қауіпсіз еңбек жағдайын жасау, ұжымдық шарттардың саны мен сапасын арттыру сияқты мәселелер көтерілді.
Облыстық кәсіподақтар орталығының төрайымы Айгүл Оразқызы «Қазақстан Республикасы Кәсіподақтар федерациясын жаңғырту Жол картасының» өңірде жүзеге асуы жөнінде шолу жасады. «Мемлекеттік, банк мекемелері және қоғамдық қызмет көрсету қызметкерлерінің салалық кәсіптік одағы» облыстық филиалының төрағасы С.Сүлеймен, «Салалық мәдениет, спорт және ақпарат қызметкерлерінің кәсіптік одағы» қоғамдық бірлестігінің облыстық филиалының төрағасы А.Батырханов, «Қазақстандық салалық білім және ғылым қызметкерлері кәсіптік одағының облыстық ұйымы» қоғамдық бірлестігінің төрағасы М.Даупаев, «SENIM» денсаулық сақтау жүйесі жұмыскерлерінің салалық кәсіподағы» республикалық қоғамдық бірлестігінің облыстық филиалының төрағасы М.Құсайынов өз салаларында жыл бойы атқарған қызметі бойынша мәлімет берді.
Кездесу соңында төраға салалық және жергілікті кәсіподақ ұйымдары төрағалары және кездесуге қатысушылармен пікір алмасып, ой бөлісті. Бұдан кейін Федерация төрағасы тұрғын үй-коммуналдық шаруашылық саласының 1 мыңнан астам қызметкерін біріктіретін ірі мекеме – «Жайықжылуқуат» АҚ басшылығы және кәсіподақ мүшелерімен кездесті.
Батыс Қазақстан облысы
