Қарабалық ауданының орталығындағы «Қарабалық» мәдениет үйінің үш қабатты ғимараты отқа оранды. Үйдің 700 шаршы метр болатын төбесі түгел жанып кетті. Өрт түн мезгілінде басталған. Өрт сөндірушілер үйдің төбесінен шіріген материалдарды алғаннан кейін, қызыл от ауыздықталды. Таңғы 05.00 шамасында өрт толық сөндірілді. Зардап шеккендер болған жоқ.
Өрт сөндірушілер сол түні пиротехникаларды абайсыз пайдалану өрттің себебі болуы мүмкін екенін айтып отыр. Ғимараттың төбесін жапқан жылу өткізбейтін материалдың шіруі қызыл жалынды өршелендіріп жіберген. Тілсіз жауды ауыздықтауға 8 техника мен 30-дан астам ызметкерлер тартылды.
Қостанай
