Қазақстан • 21 Қазан, 2019

Америкамен сауда-саттық ұлғаяды

24 реткөрсетілді

Вашингтонда Дүние­жүзілік банк тобы мен Ха­лықаралық валюта қоры Директорлар кеңесінің жыл сайынғы отырыстары аясында еліміздің Сауда жә­не интеграция министрі Ба­қыт Сұлтанов АҚШ Сау­да Хатшысы Уилбур Росс­пен екіжақты кездесу өткізді, деп хабарлады Сауда жә­не интеграция министрлігінің баспасөз қызметі.

Кездесу Қазақстан Рес­пуб­ликасы мен Америка Құра­ма Штаттары арасындағы Эко­номикалық ынтымақтастық жөніндегі жоғары деңгейлі іс-шара аясында өтті. Бұл бастама Тұңғыш Президент – Елбасының 2018 жылғы қаңтардағы сапары кезінде басталған болатын.

Кездесу барысында тараптар ішкі және сыртқы сауда, тауарлар мен қызметтерді экспорттау, коммерциялық және инвестициялық жобаларды іске асыру, Tyson Foods компания­сымен бірлескен жобалар, бірлескен жобаларға (AIFC) қаржылық қолдау көрсетудің екіжақты ынтымақтастық саласының мәселелерін, санкциялар саясаты, зияткерлік меншік және электронды сау­да мәселелерін, сондай-ақ ДСҰ және ЭЫДҰ шеңберінде ынты­мақтастықты талқылады.

Америка Құрама Штаттары – Қазақстанның негізгі страте­гиялық серіктестерінің бірі. Біздің елдеріміз арасындағы сауда айналымы көлемі 2018 жылы алдыңғы жылмен салыстырғанда 36%-ға артып, 2,2 млрд АҚШ долларын құра-
ды.

2019 жылдың 8 айының қорытындысы бойынша өткен жыл­дың ұқсас кезеңіндегі де­рек­терді сақтай отырып, Қазақ­стан мен АҚШ арасын­дағы тауар айналымы 1,4 мил­лиард долларды құрады.

Сауда-экономикалық ынты­мақ­тастықты одан әрі дамыту және оның жоғары серпінін қол­дау үшін жеткізілетін тауарлар мен қызмет номенклатурасын ке­ңейту, іскер топтар арасында тікелей байланыс орнату бо­йынша бірлескен жұмысты жалғастыру ұсынылды.

Қазақстан тарапы АҚШ-қа қазақстандық тауарлардың экспортын 50 тауар позициясы бойынша 802,1 млн АҚШ долларынан аса сомаға ұлғайтып, өзара саудадағы оңтайлы трендті нығайтуды ұсынды.

Соңғы жаңалықтар

Күлкі керуені № 20

Руханият • Бүгін, 12:38

Тәулігіне 15-16 тонна сүт алынады

Аймақтар • Бүгін, 09:20

Халің қалай, Қостанай?

Аймақтар • Бүгін, 08:34

Субсидияның жаңа талаптары

Экономика • Бүгін, 08:29

«Йокериттен» жеңілді

Хоккей • Бүгін, 08:15

Қазақстан төртінші топта

Футбол • Бүгін, 08:13

Педагогтерге пайдалы шара

Руханият • Бүгін, 08:09

Адалдық ешкімді алдамайды

Қоғам • Бүгін, 08:06

Мешітті салғанымен, қарамайды

Аймақтар • Бүгін, 07:57

Қолдау жұмыстары жалғасады

Қоғам • Бүгін, 07:54

Онлайн-оқырман

Технология • Бүгін, 07:52

Су басу қаупі жоқ

Қоғам • Бүгін, 07:40

Баспаналы болып, бақытқа бөленді

Бағдарламалар • Бүгін, 07:32

Әбіштанудың әз әліпбиі

Руханият • Бүгін, 07:20

Ажырамас дүниенің адамы...

Руханият • Бүгін, 07:17

Ұқсас жаңалықтар