Қазақстан делегациясын Сауда және интеграция вице-министрі Қайрат Төребаев бастап барды. Ал ТИФА іс-шаралар бағдарламасы шеңберінде ТИФА Басқарушы кеңесінің, АҚШ-тың екіжақты жұмыс топтарының – ТИФА елдерінің кеден, санитарлық және фитосанитарлық стандарттар, зияткерлік меншік құқықтары, әйелдердің экономикалық құқықтары мен мүмкіндіктерін кеңейту, сондай-ақ халықаралық электронды сауданы дамыту мәселелері бойынша жұмыс топтарының отырыстары өткізілді.
Іс-шараға қатысушылар ТИФА отырыстарының алаңы Орталық Азиядағы экономикалық ахуалды жақсартуға, екіжақты, өңірлік және жаһандық сауданы, сондай-ақ инвестициялық мүмкіндіктерді кеңейтуге ықпал ететінін атап өтті. Сонымен қатар күн тәртібі аясында Ауған-
станға ТИФА кеңесінің толық құқылы мүшесі мәртебесін беруге қатысты мәселе талқыланды. Алайда бұл мәселені талқылау келесі отырысқа ауыстырылды.
ТИФА отырысы аясында Қ.Төребаев АҚШ Конгресінің конгрессмендері және стафферлерімен екіжақты кездесулер өткізді. Тұрақты қалыпты сауда қатынастарын орнату, Қазақстан тауарларына қатысты АҚШ-тың преференция жүйесін қолдануды қайта қарау, сондай-ақ сауда экспансиясы туралы АҚШ заңының 232-бөлімі бойынша шаралар қолданылуына байланысты Қазақстан Республикасын алып тастау мақсатында біздің елімізге қатысты АҚШ-тың Джэксон-Вэник түзетуін жою жөніндегі мәселелер талқыланды.
