Кейде таңданысын жасыра алмаған күйі басын әнтек шайқап қоятыны бар. Мұның өзі одан әрі шығармашылық шабытпен іздене түсуіне жол ашып, енді шампунь жасауға да көшті.
Бүгінде өтімді өнімге айналып отырған сабынның жасалу технологиясы қарапайым. Негізінен дәрілік өсімдіктерді пайдаланады. Қажетті гүлдер мен шөптерді өзі өсіреді. Осы себепті экологиялық жағынан таза әрі бағасы да қолжетімді. Өтініштер көбіне елордалық мен ресейлік тұтынушылар тарапынан көптеп түсіп жатады.
–Бұрындары әжелеріміз сақар қайнатып, қара сабын дайындаушы еді ғой. Ата-бабамыздың осы көне дәстүрін заман ағымына қарай технологиялық жағынан жаңғыртып, арнайы рецепт бойынша түземін. Араластыратын қоспаларға түймедақ, қарағай инелері, шайыр, сәлбен қосылып, хош иісі мұрын жаратындай болуы керек. Белгілі мөлшерде қайнатылғаннан кейін дайын шампунь арнайы ыдыстарға құйып алынады,– дейді «Шәкірова» ЖК жетекшісі Гүлшат Шәкірова.
Ол қазір сусабынның ерлерге және әйелдерге арналған түрлерін әзірлеуге кіріскен. Алдағы мақсаты – тұтынушыларға емдік сабын ұсыну. Оны дайындау үрдісі күрделілеу әрі көп уақытты алатынына қарамастан көздеген мақсатына жетпей тынбайтын еңбекқор кәсіпкер кәдеге жаратылатын өнімдерді сұрыптап қойыпты. Беттегі безеу, денедегі бөртпе, қышыма, аллергиялық кеселдерге пайдасы зор көрінеді.
Гүлшат бұл саламен үш жылдан бері айналысып келе жатса да, жеткен жетістіктері қуантарлық.
Солтүстік Қазақстан облысы
