Аймақтар • 10 Қараша, 2019

Қарағанды облысындағы кентте автовокзал пайдалануға берілді

240 реткөрсетілді

Қарағанды облысындағы Шет ауданының орталығы Ақсу-Аюлы кентінде қайта құрылған автовокзал жолаушыларға айқара есік ашты. Мемлекеттік-жекеменшік әріптестік негізінде іске асқан күрделі жөндеу жұмыстарына 10 млн теңге қаржы жұмсалды. Мұның 7 млн теңгесі жергілікті бюджет есебінен алынса, қалған қаражатты жеке кәсіпкер Қуаныш Хамитұлы өз қалтасынан салды.

Жаңартылған автовокзалда жолаушылар үшін барлық жағдай жасалған. Мысалы, нысан ішінде билет кассалары мен күту залынан бөлек асхана, ана мен бала бөлмесі де қарастырылған. Енді Ақсу-Аюлының бұл автобекетінен тек облыс орталығына ғана емес, басқа ауылдарға және Балқаш қаласына да автобустар қатынайтын болады.

Автовокзалдың ашылу салтанатында аудан әкімі Марат Жандәулетов өңірде көлік қатынасының әлі де дами түсетінін атап өтті. Сонымен қатар ол инфрақұрылымды жақсартуға үлес қосып, инвестиция салғаны үшін кәсіпкер Қуаныш Хамитұлы мен оның әріптестеріне алғыс айтты.

 

Қарағанды облысы

 

Соңғы жаңалықтар

Маңғыстауда «Жыл адамы - 2019» анықталды

Аймақтар • 14 Желтоқсан, 2019

Ақтауда тұрғын үй пайдалануға берілді

Аймақтар • 14 Желтоқсан, 2019

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар