Қоғам • 10 Қараша, 2019

Нұр-Сұлтан: қай көшелер жарықсыз отыр?

242 реткөрсетілді

Нұр-Сұлтан қаласы Есілдің сол жағалауында бірнеше көше тұрғындары жарықсыз отыр. Бұл туралы қала әкімдігінің баспасөз қызметі хабарлады.

«10 қараша күні сағат 15:30-дағы жағдай бойынша Нұр-Сұлтанның Қонаев, Сығанақ, Түркістан, Алматы, Достық көшелеріндегі тұтынушылар электр жарығынсыз отыр. Апаттан барлығы 25 нысан мен 7 тұрғын үй кешені зардап шекті» деп хабарлады Нұр-Сұлтан қаласы әкімдігінің баспасөз қызметі.

Еске сала кетсек, елордадағы «Левобережная» 110/10 кВ шағын стансасының 10 кВ кабель каналында өрт шығып, кабель линиясы зақымданған. Салдарынан сол жағалаудағы кейбір тұрғын үйлер жарықсыз отыр.

«10 қарашада түнгі сағат 02.04-те аталған стансадан қосылған нысандардың электрмен жабдықтау линиялары апат салдарынан ағытыла бастады. Осы кабель линияларына қосылған тұтынушылар өрт сөндіру бригадаларының электр тоғы соғуын болдырмас үшін электрмен қамтудан ажыратылды. Апат салдарын жою бригадалары құрамында 15 адам және 6 арнайы техника қажетті жабдықтарымен шұғыл түрде жұмысқа кірісті. 5 жедел-көшпелі бригада нысандарды қайта қосумен айналысуда. Қолда бар барлық мобильді дизель-генераторлар іске қосылды. Кабель желілерін қалыпқа келтіру жұмыстары жалғасуда» делінген хабарламада.

Соңғы жаңалықтар

Оқырманмен ой бөлісті

Руханият • Кеше

«Бір сынаған жаманды...»

Аймақтар • Кеше

Ел игілігін еселеген жан

Руханият • Кеше

Теңгенің тегеуріні

Қаржы • Кеше

Сенім капиталы

Экономика • Кеше

Ұқсас жаңалықтар