Кәсіпқой бокс • 11 Қараша, 2019

Алтыншы раундта жеңді

21 реткөрсетілді

Орта салмақтағы қазақстандық кәсіпқой бокс­шы Жәнібек Әлімханұлы АҚШ-тың Фресно қаласында өзінің кезекті жекпе-жегін өткізіп, қарсыласын алтыншы раундта нокаутқа жіберді.

Жергілікті Chukchansi Park спорт кешенінде өткен кездесу 10 раундқа жоспарланған болатын. Алтыншы раунда отандасымыз канадалық Альберт Онолуносені соққының астына алып, нокаутқа түсірді. Төреші есеп ашқанымен, қарсыласы есін жиып үлгермеді. Осылайша отандасымыз кәсіпқой бокстағы сегізінші кездесуінде жеңіске жетіп, төрт кездесуін мерзімінен бұрын аяқтады. Сондай-ақ өзіне тиесілі WBC Continental Americas титулын сәтті қорғап қалды.

Сонымен қатар Лос-Анджелесте рейтингтік жекпе-жек өткізген қандасымыз Мадияр Әшкеев те мер­зімінен бұрын жеңіске жетті. Аргентиналық Родоль­фо Мартинеспен жұдырықтасқан ол қарсыла­сын үш рет нокдаунға жіберді. Ал алтыншы раунд­та аргентиналық боксшы жекпе-жекті жалғас­тырудан бас тартты. Бұл – Әшкеевтің 14-ші жеңісі.

 

Соңғы жаңалықтар

Тәуелсіздік – тұғырым

Аймақтар • Кеше

Күлкі керуені № 25

Руханият • Кеше

Ұқсас жаңалықтар