Аймақтар • 11 Қараша, 2019

Жітіқара қаласында мұз астына түсіп кеткен екі бала көз жұмды

47 реткөрсетілді

Қостанай облысының Жітіқара қаласында екі кішкентай бала мұз астына түсіп кетіп, көз жұмды. Бұл туралы  ҚазАқпарат хабарлады.

Қайғылы оқиға кеше болған. Полицейлер жасанды су қоймасынан үш баланы алып шықты. Олар мұз үстінде ойнап жүргенде жұқа мұз ойылып, жеткіншектер абайсызда суға түсіп кеткен. Көл жанында балалар ойнайтын алаң бар.

«Куәгер әйелдің айтуынша, балалар қатты қорқып, байбалам салған. Сол кезде бір ер адам жүгіріп келіп, суға секіріп, балаларды құтқармақ болды. Ол уақытта куәгерлер полиция мен жедел жәрдемді шақырып үлгерген болатын. Полицейлер суға түсіп кеткен балалардың барлығын алып шығып, дәрігерлерге тапсырды. Көлдің тереңдігі – 2 метр», делінген хабарламада.

Алайда аудандық ауруханаға жеткізілгеннен кейін 2014 және 2013 жылы туған екі бала суық тиіп қаза тапты. 2011 жылы туған бала дәрігерлердің бақылауында. Жағдайы орташа ауыр. Сондай-ақ балаларды құтқаруға күш салған 1954 жылы туған азамат та ауруханада жатыр.



Соңғы жаңалықтар

Тәуелсіздік – тұғырым

Аймақтар • Кеше

Күлкі керуені № 25

Руханият • Кеше

Ұқсас жаңалықтар