Саясат • 19 Қараша, 2019

Қазақстан Елшісі Эфиопия Президентіне сенім грамоталарын тапсырды

29 реткөрсетілді

Эфиопиядағы Қазақстанның Елшісі Барлыбай Садықовтың Эфиопия Президенті Сахлеворк Зевде ханымға сенім грамоталарын тапсыру рәсімі өтті.

Кездесу барысында, екіжақты ынтымақтастықтың жағдайы мен болашағы талқыланды. Тараптар екі ел арасында қалыптасқан қарым-қатынастардың достық және сындарлы сипатын атап өтіп, сауда-экономикалық және инвестициялық ынтымақтастықты кеңейтуге өзара мүдделілікт танытты.

Елші Б. Садықов сұхбаттасушыны Мемлекет басшысы Қасым-Жомарт Тоқаевтың Жолдауының негізгі мазмұнымен, елдің ішкі және сыртқы саясатының басым бағыттарымен, екіжақты саяси және экономикалық ынтымақтастықты кеңейту жөніндегі ұсыныстармен таныстырды.

Өз кезегінде, Эфиопия Президенті С. Зевде Қазақстанды Тұңғыш Президент – Елбасы Нұрсұлтан Назарбаевтың басшылығымен жүзеге асырылған табысты саяси және экономикалық өзгерістермен құттықтады. БҰҰ-да бірлескен жұмыс бойынша жеке өзі білетін жаңа Президент Қ. Тоқаевпен белгіленген мақсаттар мен міндеттердің табысты жүзеге асырылуына сенім білдірді. С. Зевде сондай-ақ өзара іс-қимылдың барлық салаларында эфиопиялық тарапының Қазақстанмен екіжақты қарым-қатынастарды дамытуға деген ықыласын білдірді және осы қызметке тұрақты қолдау көрсететініне сендірді.

Еске сала кетейік, Қазақстан Республикасы мен Эфиопия Федеративтік Демократиялық Республикасы арасындағы дипломатиялық қатынастар 2011 жылғы 5 қыркүйекте ноталар алмасу жолымен белгіленген. Бүгінгі таңда Эфиопиямен саяси және экономикалық байланыстар одан әрі дамып келеді. Қарым-қатынас бағыттары пысықталуда, ынтымақтастықтың түрлі салаларындағы ортақ мүдделерді іздеу жұмысы өте табысты және қарқынды жүріп жатыр.

2018 жылдың қорытындысы бойынша өзара сауда көлемі 86,4 мың АҚШ долларын құрады (экспорт – 0,4мың АҚШ долл), импорт – 86 мың АҚШ долл). Эфиопияға тегіс темір, легірленген және легірленбеген, тот баспайтын болат импортталады. Қазақстанға гүлдер, кофе, тері және басқада тауарлар импортталады.

Соңғы жаңалықтар

Күлкі керуені № 20

Руханият • Кеше

Халің қалай, Қостанай?

Аймақтар • Кеше

«Йокериттен» жеңілді

Хоккей • Кеше

Онлайн-оқырман

Технология • Кеше

Су басу қаупі жоқ

Қоғам • Кеше

Баспаналы болып, бақытқа бөленді

Бағдарламалар • Кеше

Әбіштанудың әз әліпбиі

Руханият • Кеше

Ұқсас жаңалықтар