Аймақтар • 21 Қараша, 2019

Атырауда қаржылық бұзушылықтар анықталды

279 рет
көрсетілді
1 мин
оқу үшін

Атырау облысының Тексеру комиссиясы Жылыой ауданының білім беру саласында аудит жүргізді. Аудандық білім беру бөліміне қарасты 20 ұйым тексеріліп, 9 млрд теңге қамтылды. Аудит нәтижесінде жалпы сомасы 228 млн.теңгеден астам бұзушылық анықталды, деп хабарлады Атырау облысының Өңірлік коммуникациялар қызметі.

Атырауда қаржылық бұзушылықтар анықталды

Қаржылық бұзушылықтардың  сомасы  200 млн теңгеден астам. Осы шараларға жауапты Атырау облысының Тексерукомиссиясының мүшесі Асылан Құмаровтың мәліметінше, аудиторлар 16 жалпы білім беретін мектепке бөлінген республикалық трансферттердің мақсатсыз пайдаланылуын анықтаған, оның сомасы 23 млн 283 мың теңге. Соның ішінде, бухгалтерлік есепке алуға жататын мәліметтерді жасырудың 9 фактісі болған.

-Бір мектептің есепшісі жалақыны негізсіз төлей отырып, 2017-2019 жылдары өзінің жеке есеп-шотына 23 млн теңге аударған. Тағы бір мектептің есепшісі осындай жағдайда осы жылдары 18 млн теңгені жымқырған. Аталмыш фактілер бойынша жиналған материалдар шешім алу үшін құқық қорғау органдарына берілді, деді Асылан Құмаров.

Бұдан басқа да қаржылық бұзушылық фактілері анықталды. Мәселен, іссапар шығындарын артық төлеу, тапсырыс берушінің жеткізушіні жосықсыз деп тану туралы сотқа уақытылы шағымданбауы, есептелген салықты төлеуден жалтару, оқу жабдықтарының пайдаланылмай тұруы.

Атырау облысы бойынша Тексеру комиссиясы өңірдің білім беру саласына мониторинг жасап, аудит жүргізуді жалғастыруда. Басты міндет – бюджет қаражатының тиімді пайдаланылуын бақылау.

Соңғы жаңалықтар

Су үнемдейтін қондырғы

Технология • Кеше