Аймақтар • 22 Қараша, 2019

Д.Ахметов Бұқтырма су қоймасына көпір салу жайына тоқталды

20 реткөрсетілді

Орталық коммуникациялар қызметінде өткен өңірдің 2019 жылғы әлеуметтік-экономикалық даму қортындылары туралы баспасөз конференциясы барысында Шығыс Қазақстан облысының әкімі Даниал Ахметов Күршім ауданына апаратын Қызыл ту өткеліне көпір міндетті түрде салынатынын мәлімдеді.

«Көпір туралы мәселе бізге белгілі. Президенттің тапсырмасын сөзсіз орындаймыз. Қазіргі кезде жобамыз бар. Аз уақыттың ішінде өзіміздің арнайы процедурамызды өткіземіз. Менің ойымша, осы жобаға бюджеттен қаражат бөлінеді. Мүмкін оған басқа елдің инвесторы тартылады», - деді Даниал Ахметов. 

Сондай-ақ өңір басшысы көпір құрылысының жобасы бойынша тендерлік процедура өткізілетінін айтты.

Еске салсақ, Мемлекет басшысы Қасым-Жомарт Тоқаев «Egemen Qazaqstan» газетінде жарық көрген «Елу жыл бұрынғы ескі паром елді қашанғы әуреге түсіреді?» атты мақалада көтерілген мәселеге назар аударып, өзінің Twitter-дегі парақшасына Үкіметке Шығыс Қазақстан облысы әкімдігімен бірге Бұқтырма су қоймасына көпір салу үшін қаржы бөлу мәселесін қарастыруды тапсырған еді.

Мақалада облыс орталығы – Өскемен мен өңірдің бүкіл қала-аудандарын жалғайтын, стратегиялық маңызы зор Бұқтырма су қоймасы арқылы өтетін «Қызыл ту» өткелі Күршім өңіріне келіп-кетуші жұртты әбден әуре-сарсаңға салғаны жазылған.

Сондай-ақ конференция барысында Даниал Ахметов денсаулық сақтауды дамытудың кешенді жоспары, білім беру саласы, өңірдің инфрақұрылымдық дамуы секілді мәселелерге тоқталды.

 

 

Соңғы жаңалықтар

Ауыр атлеттер Катарға аттанады

Ауыр атлетика • Кеше

Көпбалалыларға көмек

Аймақтар • Кеше

Күлкі керуені № 22

Руханият • Кеше

Фариза ақынның ұстазы

Руханият • Кеше

Ұқсас жаңалықтар