«В» тобында сынға түскен Алматының «Қайрат» клубы алғашқы турда Испанияның «Мурсия Эль-Посо» командасына 1:4 есебімен жол берді. Екінші турда Италияның «Песаро» клубымен кездесіп, 5:3 есебімен басым түсті. Шешуші турда «Қайрат» Португалияның «Бенфикасын» 3:2 есебімен жеңіп тұрып, соңғы минуттарда қақпасына үш гол өткізіп алды. Қорытынды есеп – 3:5. Осылайша, «Қайрат» төртінші орынды қанағат тұтып, «Төрттік финалдан» тыс қалды.
Сондай-ақ «В» тобында бақ сынаған Рудныйдың «Аят» клубы Ресейдің Тюмень қаласында өткен үш ойында да жеңіліске ұшырап, турнир кестесінің соңғы орнында қалып қойды. Бірінші ойында жергілікті «Тюмен» клубынан 0:3, Португалияның «Спортингінен» 2:5 және Хорватияның «Ново Вриеме» клубынан 2:3 есебімен жеңіліп қалды.
