Аймақтар • 26 Қараша, 2019

Глубокое ауылында көмір базасы жұмыс істеп тұр

44 реткөрсетілді

Көмір базасының ашылғанына бұған дейін Өскеменнен көмірді қымбат бағаға алып келген жергілікті халық ерекше қуанды.

Өскеменнің іргесіндегі 60 мыңнан астам тұрғыны бар Глубокое ауданының орталығы – Глубокое кентінде қыркүйек айынан бастап көмір сату базасы жұмыс істеуде. Ерекше атап өтерлігі, тұрғындарға аса қажет көмір базасын жеке кәсіпкер Виктор Леонтьев өз қаражатына салыпты. 70 миллион теңгеден астам қаржысын жұмсап, 250 метрге жуық жерге теміржол тарттырыпты.

көмір

«Бұдан бөлек мұнда орталықтандырылған су жүйесін тартып, электр желілерін орнаттық. Облыс әкімдігі тарапынан бөлінген 3 миллион теңгенің грантына цифрландырылған электронды таразы қойдық. Көмір базасының ашылғанына бұған дейін Өскеменнен көмірді қымбат бағаға алып келген жергілікті халық ерекше қуанды. Әрине, көмірді 18 мыңға алған жақсы ма, 12 мыңға алған тиімді ме? Қазір көмірдің коммерциялық бағасы 9800 теңге болса (әлеуметтік баға – 9200), біз жеткізгеніміз үшін 2500 теңге ғана қосамыз. Тұрғындар өздері де келіп, тиеп алып кетеді. Мүгедек жандарға, көп балалы аналарға тегін жеткізіп береміз. Техниканың барлығы өзіміздікі. Өзіміз тиейміз, өзіміз түсіреміз. Көріп тұрсыздар, ешқандай да алыпсатар, ешқандай да кезек жоқ» деген кәсіпкер көмір базасын салуға үш жылдай уақыт кеткенін жеткізді.

көмір 1

Жақында газетімізде осы ауданның Предгорное ауылында салынған футбол алаңы жайында жазған едік. Ауылға барғанымызда алаңның кеңдігін әрі өте сапалы салынғандығын көріп таңғалғанымыз рас. Сөйтсек, бұл алаңды да Виктор Леонтьев салған екен. «Сапалы жасамауға менің қақым жоқ. Өйткені, мен осы жерде тұрам ғой. Мұндай алаңдар ауданның бірнеше ауылында салынды. Көлемі 200 шаршы метрден 600-ге дейін барады. Біздің ауылдағы алаң келісімшарт бойынша 1200 шаршы метр болу керек еді, 350 шаршы метрді өзім қостым» деген ол қазір жерлестерінің сұрауы бойынша Белоусовка ауылында бір уақытта 35 адамды қабылдайтын қоғамдық монша салып жатқанын айтты.

Шығыс Қазақстан облысы,

Глубокое ауданы

Соңғы жаңалықтар

Қызылжарда 75 көше жөнделеді

Аймақтар • Бүгін, 20:30

Қапшағай қаласының әкімі ауысты

Аймақтар • Бүгін, 17:20

Жігіттің жақсысы

Руханият • Бүгін, 16:21

Ұқсас жаңалықтар