Аймақтар • 28 Қараша, 2019

Атырауда «жедел жәрдем» көліктері жаңарады

8 реткөрсетілді

Биылдың өзінде Атыраудағы жедел жәрдем стансасы 276 396 шақырту қабылдады. Елдімекендерді дереу дәрігерлік көмекпен қамту көрсеткіші жыл санап артып келеді. Бірақ аймақтағы жедел жәрдем стансасының 80 пайызында реаномобильдер әбден тозған. Бұл туралы Өңірлік коммуникациялар қызметінде өткен брифингте облыстық жедел жәрдем стансасының басшысы Ерлан Сүйеуғалиев айтты.

-Техникалардың тозуы, жетіспеуі үлкен мәселе туғызуда. Осы проблеманы шешу мақсатында биыл жергілікті бюджеттен қаражат қаралып, 5 реаномобиль алынды. Республикалық бюджет есебінен 22 көлікке тапсырыс бердік, келер жылдың бірінші тоқсанында жеткізіледі, дейді Е.Сүйеуғалиев.

Қазір облыс бойынша 94 реаномобиль бар. Оның 24-і тозығы жеткен, 26-сы күрделі жөндеуді қажет етеді. Халыққа 41 көлік қызмет көрсетуде. Соңғы жылдары жедел жәрдем стансасының жұмыс сапасын жақсартуға айрықша назар аударылып, жаңа медициналық құрал-жабдықтар алынды. Жыл басынан бері 78 маман жұмысқа қабылданды. Жазатайым оқиғаларды азайту мақсатында алғашқы медициналық көмек көрсету бойынша еріктілерді арнайы оқытуға да маңыз беріліп отыр.

Соңғы жаңалықтар

Мағауин мифі

Руханият • Бүгін, 05:47

Қолтаңба

Аймақтар • Кеше

Ұқсас жаңалықтар