Қазақстан • 01 Желтоқсан, 2019

Қорғаныс министрлігінің командасы Тұңғыш Президент кубогін жеңіп алды

22 реткөрсетілді

Тұңғыш Президент күні қарсаңында елордадағы «Жекпе-жек» сарайында  қоян-қолтық және әскери қоян-қолтық ұрыстан V халықаралық турнир өтті. Бұл туралы Қорғаныс министрлігінің баспасөз қызметі хабарлады.

Тұңғыш Президент – Елбасы кубогі үшін Армения, Беларусь, Қазақстан, Қырғызстан, Моңғолия, Ресей, Тәжікстан және Өзбекстан елдерінің ең мықты балуандары бақ сынасты. Барлығы 409 спортшы қатысты,олардың ішінде әлем, Азия және Еуропа чемпиондары, 20-дан астам халықаралық дәрежедегі спорт шебері, 70-тен астам ҚР спорт шебері, бірнеше жүзден астам кандидат және қоян-қолтық ұрыс бойынша бірінші дәрежелі иегерлері бар.

Турнирдің жабылу салтанатына Премьер-министр Асқар Мамин, Қорғаныс министрі – Бүкілқазақстандық қоян-қолтық ұрыс қауымдстығының төрағасы генерал-майор Нұрлан Ермекбаев, халықаралық қоян-қолтық ұрыс федерациясының президенті Сергей Астахов, Парламент депутаттары, министрліктер мен күш құрылымдарының басшылары және басқалар қатысты.

Әскери қоян – қолтық ұрыс бойынша жалпыкомандалық есепте Қорғаныс министрлігінің құрама командасы үздік деп танылды, екінші орынға «Шығыс» өңірлік қолбасшылығының спортшылары ие болса, үшінші орынға Ішкі істер министрлігінің командасы және Өзбекстан құрама командасы табан тіреді.

Қоян – қолтық ұрыс бойынша ерлер арасындағы жеке біріншілікте ең үздік деп танылғандар, 55 кг дейінгі салмақ дәрежесінде – Жандос Мадехиянов (ҚР ҚМ), 60 кг дейін – Бауыржан Сұлтанов (ҚР ҰҰ), 65 кг дейін – Шыңғыс Жанғазы (ҚР ҰҚК), 70 кг дейін – Данияр Қойшыбек (Айбын), 75 кг дейін – Айдын Төлепбаев (ҚР ІІМ), 80 кг дейін – Магомед Кабардиев (Ресей), 85 кг дейін – Демей Бексұлтан (ҚР ҰҚК), 90 кг дейін – Мирас Шынтасов (Атырау облысы), 90 келі салмақ дәрежесінен жоғары-Жеңіс Ердәулет ие болды (ІІМ қсқб).

Қоян – қолтық ұрыстан нәзік жандылар арасында: 50 кг дейінгі салмақ дәрежесі бойынша Томирис Жүсіпова (Ақмола облысы), 55 кг дейін – Зинаида Белоусова (ҚР ҚМ), 60 кг дейін – Регина Максимова (ҚР ҚМ), 65 кг дейін – Сора Рахмонова (ҚР ҚМ), 70 кг дейін – Талшын Жұматаева (ҚР ҚМ), 75 кг дейін – Күндиас Сағындықова («Запад» РгК), 75 кг астам-Умида Садықова (ҚР ҚМ).

Бұл турнирде бірінші орынға  «спорт шебері» спорттық атағы беріледі. Тұрақты түрде ұйымдастырылып отыратын турнирдің биылғы жалпы жүлде қоры 8 млн теңгені құрайды. Бұған дейін ол Қазақстан күш құрылымдарымен кезек бойынша өтетін. 2018 жылдан бастап тұрақты негізде жарыстарды Қорғаныс министрлігі ұйымдастырады.

Соңғы жаңалықтар

Күлкі керуені № 20

Руханият • 06 Желтоқсан, 2019

Оралда жастар бастамаларын қолдау жақсы

Аймақтар • 06 Желтоқсан, 2019

Мәслихаттар депутаттарымен кездесу өтті

Қазақстан • 06 Желтоқсан, 2019

Қоныс аударушыларды қолдау қандай?

Қоғам • 06 Желтоқсан, 2019

Тәулігіне 15-16 тонна сүт алынады

Аймақтар • 06 Желтоқсан, 2019

Ұқсас жаңалықтар