Руханият • 08 Желтоқсан, 2019

Алматыдағы «AǴYM» көрмесі жас суретшілерге рухани шабыт береді

60 реткөрсетілді

Аяқталып келе жатқан 2019 жыл жастар үшін ерекше жыл болды. Елбасымыз Н.Ә. Назарбаевтың өткен жылғы Жолдауында биылғы жылды – Жастар жылы деп жариялағаны белгілі. Бұл бастама шама-шарқынша мәдениеттің әр саласында жүрген таланттарға шығармашылық шабыт сыйлап, өнерге құлшындырды.

Рухани салада мемлекет тарапынан көрсетіліп жатқан қолдау  Алматыдағы Т.Жүргенов атындағы Қазақ Ұлттық Өнер академиясының «Кескіндеме, мүсін және дизайн» факультетінің жас суретшілеріне өмірде де, өнерде де  дұрыс шешімдер қабылдауы үшін көмегін тигізері сөзсіз.

Қазақ суретшілерінің туындылары бүгінде өзіне аса назар аудартып қоймай, үлкен қызығушылық тудыратыны кездейсоқ емес. Өнерге енді қадам басып жатқан талапкерлерден жаңа леп, жаңа қадамбайқалады.

Алматыда санаулы күндерден кейін тұсауын кесетін «AǴYM» атты жас суретшілеркөрмесінде қазіргі өнердің  келбеті, мазмұндық бейнелік-ырғақтық ұстанымдарының өзіндік бірлігі салтанат құратын болады.  Бүгінгі буынның басты сипаты – олардың бейнелеуіндегі шеберлікке, рухани мазмұндылыққа деген ұмтылыс бар.

Көрмеге қойылатын туындылардан уақыт сипатын, жас суретшілердің көңіл эфирін, білім алу үдерісіндегі кәсіпқойлық талаптарын да көре аламыз.

Жас суретшілердің жұмысына қатысты сұрақтарға жауап бермей тұрып, былай қарағанда бастапқыда парадоксалды болып көрінетін ескерту жасап көрейік: біздің зерттеулеріміз қандай да бір «жастар өнері» жайлы емес, қазақ  суретшілерінің жаңа буынының өнері – бүгіннен басталатын болашақ ұлттық жаңа туындылар жайында әңгіме қозғалғаны дұрыс. Біздің ескертуіміз өнер туындысының ақиқаттылығы мен сапасы, оны жасаушының жасымен байланысты емес екендігін толық сенімділікпен айта алатындығымызда. Шын мәнінде, суретшінің кейде жоғарғы шегі мен құлдырауын қосқанда, оның бүкіл ғұмырын шығармашылық өмірі қамтиды. Ал жасына қарап, өнерді бағалау, аксиологиялық тәсілімен алғанда аса дерексіз болып көрінеді. Жас мөлшерімен қатаң байланысты өнер болмайды, дейді профессор, философия ғылымының кандидаты Жанарбек Берістен.

Сондықтан «бір сапта» әр түрлі студент суретшілер бар. Бұған көз жеткізу үшін Өркен Аят, Әлихан Жаханша,Жансая Киікбай,  Махаббат Сағындық, Мирас Ордабай  сияқты кескіндемешілер мен қатар Өмір Гүлкенже, Әлия Тілеухан қызы, Мадина Кадірбай, Бақыт Әбдіразақ сияқты сәндік өнер шеберлерінің еңбектеріне жүгінуге болады. Ең бастысы, «AǴYM» көрмесіне бәрінен бұрын, өнерге деген риясыз өзіндік көзқарастар тән екенін айта кеткен жөн.

 

АЛМАТЫ

Соңғы жаңалықтар

18 қаңтарға арналған ауа-райы болжамы

Қазақстан • 18 Қаңтар, 2020

Алматы жасыл қалаға айналады

Экология • 17 Қаңтар, 2020

Көкшетауда беті ашық құдық көп

Аймақтар • 17 Қаңтар, 2020

Шымкентте Поэзия мінбері ашылды

Руханият • 17 Қаңтар, 2020

Бұландыдағы берекелі іс

Аймақтар • 17 Қаңтар, 2020

Мал баққанға бітеді...

Аймақтар • 17 Қаңтар, 2020

Кувейт турнирінде топ жарды

Спорт • 17 Қаңтар, 2020

Гран-при жарысына қатысады

Спорт • 17 Қаңтар, 2020

Екінші қоланы қоржынға салды

Спорт • 17 Қаңтар, 2020

Ұқсас жаңалықтар