Үкімет • 10 Желтоқсан, 2019

Қазақстанның Елшісі Португалия Президентіне сенім грамоталарын тапсырды

7 реткөрсетілді

Қазақстан Республикасының Португалия Республикасындағы Елшісі Дәулет Батырашевтың Португалия Президенті Марселу Ребелу де Созаға сенім грамоталарын тапсыру рәсімі өтті. Бұл туралы Сыртқы істер министрлігінің баспасөз қызметі хабарлады.

«Кездесу барысында Қазақстан Елшісі Қазақстанның Президенті Қасым-Жомарт Тоқаевтың ізгі тілектерін Португалия Президентіне жеткізді. Д.Батырашев өзара әрекеттестіктің барлық бағыттары бойынша ынтымақтастықты одан әрі дамытуға күш салуға деген басшылығымыздың қызығушылығын растады. Осы орайда, ағымдағы жылы еліміздің Португалиядағы Елшілігінің ашылғандығын атап өтті.

Қазақстандық дипломат Президент Қ.Тоқаев алға қойған негізгі мақсаттары мен міндеттері туралы, экономиканы әртараптандыру, транзиттік-көліктік әлеуетті ілгерілету, саяси және әлеуметтік-экономикалық салаларды модернизациялау жөніндегі шаралары туралы хабардар етті.

Тараптар екі ел арасындағы қатынастардың достық және сындарлы сипатын атап өтті. Сауда-экономикалық және инвестициялық серіктестікті кеңейтуге, сондай-ақ көпжақты саладағы ынтымақтастықты тереңдетуге өзара қызығушылығы білдірілді.

Өз кезегінде, М.Ребелу де Соза Қазақстанды ауқымды саяси және экономикалық жетістіктерімен құттықтап, Лиссабонның Қазақстанмен ынтымақтастықты жан-жақты дамытуға дайындығын білдірді. Ол қазақстандық-португал қатынастарын сапалы жаңа деңгейге көтерудің алғышарттарының бар екенін айтып, осыған байланысты, екіжақты байланыстарды тереңдету үшін одан әрі тығыз өзара әрекеттестіктің қажеттігін атап өтті.

Кездесу соңында М. Ребелу де Соза Қазақстанның Елшісін қызметке кірісуімен құттықтап, алдағы жұмысына сәттілік тіледі», делінген хабарламада.

 
Соңғы жаңалықтар

Қыс қысымын адам күші жеңуде

Аймақтар • Бүгін, 16:56

Таразда «Аntikor ortalygy» ашылды

Аймақтар • Бүгін, 16:10

Қоржынымыз бос қайтты

Қысқы спорт • Бүгін, 06:56

Боксшылар Амманда іріктеледі

Кәсіпқой бокс • Бүгін, 06:53

Нақыл сөздерге толы ағаш

Аймақтар • Бүгін, 06:47

Кемел ойлардың кемеңгері

Абай • Бүгін, 06:41

Мағауин мифі

Руханият • Бүгін, 06:35

Мүдделер тоғысы

Әлем • Бүгін, 06:32

Ауғанстанда ұшақ құлады

Әлем • Бүгін, 06:30

МӘМС: атқарылды көп іс

Медицина • Бүгін, 06:22

Ұқсас жаңалықтар