Алматыда «Қайрат» футбол клубының балалар академиясы ашылды. Бұл жерде 8 бен 13 жас аралығындағы балалар тәлім алады.
Жақын арада академияға балаларды іріктеу үшін ашық есік күндері өтеді. Сол сияқты клубта балаларға арнап селекциялық тексеру жүргізу жоспарланып отыр. Осы сынақтан өткен балалар «Қайрат» академиясында тәлім алуға мүмкіндік алады.
Академияның аумағында үш ойын алаңы орналасқан. Сонымен бірге, осы жерде қысқы манеж бен себезгі бөлмелері, оқу залдары, екі медициналық қосын, гимнастика және жаттығу залдары бар.
Ашық есік күндері 10 тамыз бен 11-іне жоспарланған. Бірінші күні 2001-2003 жылғы жеткіншектер арасында іріктеу жүргізілсе, екінші күні 2004-2007 жылғы балдырғандар арасында селекциялық іріктеу өтеді.
