Институт қабырғасында «Өрлеу» БАҰО» АҚ Басқарма төрайымы Г.К. Ахметова, филиал директорлары, білім және ғылым саласының көрнекті қайраткерлері, жергілікті әкімшілік өкілдерінің қатысуымен өткен шарада бірінші орын иеленген жүлдегерлер мен 2,3-орын иеленген шығысқазақстандық жеңімпаздарды марапаттау рәсімі өтті. Марапаттау салтанаты YouTube-тегі «Өрлеу Білім каналы» бойынша көрсетілді. Конкурстың Республикалық кезеңіне өткен мұғалімдерге «Өрлеу» БАҰО» АҚ Басқарма төрайымының «Алғыс хаты» берілді.
Бірыңғай ақпараттық-білім кеңістігінде заманауи педагогикалық тәжірибені жинақтау және насихаттау, педагогтердің ақпараттық-коммуникациялық және технологиялық құзыреттіліктерін арттыруды көздейтін конкурсқа Қазақстанның 1980 мұғалімі қатысты. Осынау дүбірлі сайысқа Алматы қаласынан 70-ке тарта ұстаз өз жұмысын ұсынған болатын. Кәсіби біліктілігі мен шеберлігі сынға түскен аламан бәйгеде Алматы қаласынан шыққан 5 жеңімпаз қатарында 1-орынды Лариса Тяпухина, «География/жаратылыстану мұғалімі», №144 мектеп-гимназия, 2-орын – Әсем Дүйсенбаева, Алматы мемлекеттік политехникалық колледжі, 3-орын – Гүлнұр Алмабаева, №174 мектеп-гимназия, 3-орын – Гульбанум Исламова, Айгүл Кеншімбаева, «Азаматтық авиация академиясы» АҚ Авиациялық колледжі, 3 орын – Абай атындағы ҚазҰПУ аға оқытушысы Қайсар Нұрлыбаев бар. Шараға қатысқан ұстаздар еліміздің білім беру саласында осындай ауқымды конкурстық жобаның кеңінен қанат жаюы туралы ұсыныстарын білдірді.
