Негізі өсімді жеке секторда жұмыс істейтін нысандар беріп отыр. Тауар айналымының барлық түрі бойынша 100 проценттік көрсеткіш жекеменшіктің қолында екен. Яғни, есепті мерзімде жеке кәсіпкерлер 262721,4 млн теңгенің тауарын саудалаған. Бұл арғы жылмен салыстырғанда 9,5 процентке артық.
Ал тауар айналымы негізінен облыстың Алматы қаласы маңындағы аудандары мен Талдықорған қаласында табысты жүріп отыр. Атап айтқанда, Қарасай ауданында 28,3 процент, Талғар ауданында 12,1 процент, Іле ауданында 11,7 процент және облыс орталығында 13,4 процент шамасында екен.
