Іс-шараға Президент Қ.Тоқаев және еліміздің басқа да жоғары лауазымды тұлғалары қатысты.
«Алтын сапа» байқауының «Қызмет көрсететін үздік кәсіпорын» аталымы бойынша жүлдесін «Caspian Enginееring & Research» ЖШС жеңді.
«Қазақстанның үздік тауары» байқауының «Өндірістік мақсаттағы үздік тауар» аталымының жеңімпазы - «Шыны талшықты құбырлар зауыты» ЖШС болып табылса, «Алтын оймақ» байқауының «Ұлттық нақыштағы аксесуарлардың үздік дизайны» жүлдесі - Жаңаөзендік «ҚАЗАҚ» брендіне бұйырды.
«Парыз» жүлдесінің «Еңбек қорғау саласындағы үздік кәсіпорын» аталымы бойынша жеңімпаз – «KAZ M-1» ЖШС атанса, «Парыз» жүлдесінің «Еңбек қорғау саласындағы үздік кәсіпорын» аталымы бойынша жүлдені «Мұнайгазқұрылыс» ЖШС жеңіп алды.
Қазақстан Президентінің «Алтын сапа» сыйлығын иемдену үшін байқау мен «Қазақстанның үздік тауары» байқау-көрмесі ҚР Президентінің 2006 жылғы 9 қазандағы № 194 «Қазақстан Республикасы Президентінің «Алтын Сапа» сыйлығын алуға арналған конкурс туралы» Жарлығымен жеке өндірісті дамыту және тауарлар мен қызметтердің сапасын үздіксіз жақсарту мақсатында құрылды.
Байқау «Өндірістік мақсаттағы үздік кәсіпорын»; «Халыққа арналған тауар шығаратын үздік кәсіпорын»; «Қызмет көрсететін үздік кәсіпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын» сынды төрт аталым бойынша өткізілді.
Әр аталымда шағын, орта және ірі кәсіпкерлік субъектілері санаттары бойынша үш сыйлықтан беріледі. Жыл сайын еліміздің 200-ден астам кәсіпорны «Алтын сапаның» үміткері болады.
«Қазақстанның үздік тауары» республикалық байқау-көрмесі үш номинация бойынша өткізілді: «Өндірістік мақсаттағы үздік тауарлар»; «Халыққа арналған үздік тауарлар»; «Үздік азық-түлік тауарлары».
Байқаулардың лауреаттары мен дипломанттары төрт жыл бойы байқау эмблемасын жарнамалық мақсатта пайдалану құқығын алды.
