Үкімет • 21 Желтоқсан, 2019

«100 нақты қадам» Ұлт жоспарын іске асырудың аралық қорытындылары қаралды

20 рет көрсетілді

Премьер-Министр Асқар Маминнің төрағалығымен және Парламент Мәжілісінің Төрағасы Н. Нығматулиннің қатысуымен өткен Жаңғырту жөніндегі ұлттық комиссия отырысында «Тұңғыш Президент – Елбасы Н. Назарбаевтың бес институционалдық реформасын жүзеге асырудың «100 нақты қадамы» Ұлт жоспарын орындаудың 2019 жылғы жұмыс қорытындылары шығарылды. Бұл туралы Премьер-Министрдің баспасөз қызметі хабарлады.

«Тұңғыш Президент – Елбасы Нұрсұлтан Әбішұлы Назарбаев пен Мемлекет басшысы Қасым-Жомарт Кемелұлы Тоқаев азаматтарымыздың тұрмыс сапасын жақсарту және әл-ауқатын арттыру міндетін қойды. Оның шешімі “100 нақты қадам” Ұлт жоспарының сапалы орындалуына да байланысты», — деді А. Мамин.

Бүгінде Ұлт жоспарының 100 қадамының 59 қадамы орындалып, бақылаудан алынды, 3 қадамы «Рухани жаңғыру» бағдарламасы аясында іске асырылып жатыр және оны Қоғамдық сананы жаңғырту жөніндегі ұлттық комиссия бақылайды. 

Қалған 38 қадамның іске асырылу барысы туралы ұлттық экономика министрі Р. Дәленов, ауыл шаруашылығы министрі С. Омаров, индустрия және инфрақұрылымдық даму министрі Б. Атамқұлов, сыртқы істер министрі М. Тілеуберді, цифрлық даму, инновациялар және аэроғарыш өнеркәсібі министрі А. Жұмағалиев, денсаулық сақтау министрі Е. Біртанов және басқа да жауапты тұлғалар баяндады. 

Әлем нарықтарына шығуды қамтамасыз ету, жекеменшік медицинаны дамыту және т. б. мақсаттарда туристік салаға стратегиялық инвесторларды тарту, жол-көлік инфрақұрылымын күтіп ұстау және дамыту үшін бір оператор тарту, өңдеу секторына ТҰК тарту бойынша қадамдарды іске асыру қарқынын арттыру қажеттігіне ерекше назар аударылды. 

Үкімет басшысы Ұлт жоспарын толыққанды әрі сапалы іске асыру бойынша белсенді жұмыстарды жалғастыруды тапсырды. 

Соңғы жаңалықтар

Жұрттың жігерін жаныған үндеу

Парламент • Бүгін, 16:57

Түркістан жасыл қалаға айналуда

Оңтүстік Қазақстан • Бүгін, 16:53

Қазақстан CORSIA мүшесі болды

Қазақстан • Бүгін, 16:43

Мобильдік топтар жұмысы жүйелі

Аймақтар • Бүгін, 15:27

ҰБТ-да 126 балл жинаған түлек

Аймақтар • Бүгін, 13:59

Лоукостер құны қалтаны қақпайды

Аймақтар • Бүгін, 08:20

Ұқсас жаңалықтар