Қуатты әскер, қауқарлы әскери техника керек-ақ, бірақ ең басты қажеттілік – достық, ынтымақ. Әсіресе, бауырына баршаны сыйғыза созылған тұтас қара жерді «шекара» деп бағанмен бөліп алып көрші отырған елдер арасындағы татулық-береке мен бақыт бастауы. Көршісі үшін «қазан алса үлкенін, етік алса екеуін алу» қажет деп ұғынатын, оны алыстағы ағайыннан артық деп бағалайтын халқымыз шекаралас елдермен ақжарқын пейілде аралас-құралас болуға қашанда дайын. Жуырда Ақтау қаласында Қытай Халық Республикасы Орталық әскери кеңесі төрағасының орынбасары, Қытай Коммунистік партиясы Орталық комитеті Саяси бюросының мүшесі, әскери лауазым дәрежесі бойынша ҚХР-да екінші адам болып саналатын генерал-полковник Фань Чанлун ресми сапармен болды.
Қуатты әскер, қауқарлы әскери техника керек-ақ, бірақ ең басты қажеттілік – достық, ынтымақ. Әсіресе, бауырына баршаны сыйғыза созылған тұтас қара жерді «шекара» деп бағанмен бөліп алып көрші отырған елдер арасындағы татулық-береке мен бақыт бастауы. Көршісі үшін «қазан алса үлкенін, етік алса екеуін алу» қажет деп ұғынатын, оны алыстағы ағайыннан артық деп бағалайтын халқымыз шекаралас елдермен ақжарқын пейілде аралас-құралас болуға қашанда дайын. Жуырда Ақтау қаласында Қытай Халық Республикасы Орталық әскери кеңесі төрағасының орынбасары, Қытай Коммунистік партиясы Орталық комитеті Саяси бюросының мүшесі, әскери лауазым дәрежесі бойынша ҚХР-да екінші адам болып саналатын генерал-полковник Фань Чанлун ресми сапармен болды.
Тәуелсіз еліміздің әскери қуаттылығын арттыру, құрылықтағы шекарамен бірге теңіз беттегі шекараны күзету, сол арқылы елдің тыныштығы мен экологиясын, теңіз байлықтарын қорғау егемендікті алған соң-ақ жедел қолға алынған істердің бірі болатын. Нақтырақ айтсақ, Елбасы Н.Назарбаев 1993 жылдың 2 сәуірінде «Қазақстан Республикасының Әскери-теңіз күштерін құру туралы» Жарлыққа қол қойды.1996 жылдың 17 тамызында Әскери-теңіз күштері құрылды. 2010 жылдың 19 тамызында жасақталып, қазіргі құрамда Маңғыстау облысының Ақтау қаласына қоныстанған Әскери-теңіз күштерінің әскери-теңіз базасы бүгінде жедел-тактикалық аумақтық бірлестік болып саналады. Оған басқарма, өз алдына дербес немесе өзге де әскери бөлімдермен бірлесе әрекет етуге бағытталған су үстінде жүретін кемелер құрамасы (зымырандық-артиллериялық, шағын күзет және өзге де қызмет түрлерін көрсететін кемелер), гидрографикалық қамтамасыз ету, басқа да бірнеше бөлімшелер жатады.
Қытайлық қонақтарға Әскери-теңіз күштерінің мақсат-міндеті жайында баян еткен ҚР ҚК Әскери-теңіз күштері әскери-теңіз базасы командирі, Ақтау гарнизоны бастығы Сәкен Бекжанов әскери әлеуетті арттыру бағытында алынып жатқан шараларға тоқталып өтті.
ҚХР Орталық әскери кеңесі төрағасының орынбасары, генерал-полковник Фань Чанлун бастаған ресми делегация Астана қаласында Қазақстан Республикасының Премьер-Министрі С.Ахметовпен, Қорғаныс министрі Ә.Жақсыбековпен кездесіп, өзара ынтымақтастық меморандумына қол қойған болатын.
– Кездесу нәтижесінде Қытай жағы біздің елімізге ауыр техникаға арналған 30 тасымал құралын беруге уағда етті. 30-40 тоннаға дейін ауыр жүк көтеріп, алыс қашықтыққа жеткізуге арналған мұндай арнайы тіркеме-қондырғы Қазақстанда шығарылмайды. Әскери-техникалық ынтымақтастықтың нығаюы екі жаққа да тиімді. Шанхай ынтымақтастық ұйымы шеңберінде жылда Қазақстанда Қытай әскерімен бірлескен оқу-жаттығуларына қатысып жүрміз. Алда ҚХР әскери полигонында өтетін әскери жаттығуға бармақпыз. Таяуда Қазақстанда бірнеше елдердің барлау күштерінің жарысы болып, қытайлық әріптестеріміз екінші, біз бірінші орынды иелендік. Бай тәжірибесі бар, қуаты мықты көршіміздің Ақтауға көңіл бөлуінің біз үшін тиімді жақтары аз емес, – дейді ҚР Қарулы Күштерінің Әскери-теңіз күштері бас қолбасшысы, контр-адмирал Жандарбек Жанзақов.
Мәртебелі қонақпен бірге жиырмадан аста
