Боксшылар 5 қазанда Ньюй-Йорк қаласындағы Madison Square Garden аренасында кездесті. Кездесудің жеңімпазына орта салмақта IBF және IBO тұжырымдары бойынша әлем чемпионы атақтары бәске тігілді.
«Жекпе-жек басталысымен Геннадий Головкин бірінші раундта қарсыласын есеңгірету арқылы жекпе-жек ұзаққа созылмайды деп ойлады. Алайда GGG ол кезде спорттық мансабында ең ауыр кездесуді өткізетінін ойламады да. Деревянченко мен Головкин қалған 11 раунд бойы нағыз айқас ұйымдастырды, оны бокс жанкүйерлері де көре алды. Головкиннің әр соққысына Деревянченко қарап тұрмай, қарымтасын қайтарып отырды. Олар ауыр соққыларын бір-біріне дарытып, шыдамдылық танытты» деп жазады басылым.
12 раунд аяқталған соң төрешілер (115-112, 115-112, 114-113) шешім шығарып, Головкинге жеңісті берді.
