Бұл білім ошағының қоғамдық тамақтандыру бөлімінде 60 білім алушы оқып жатыр. Таяуда болашақ аспаздар үшін заманауи оқу зертханасы пайдалануға берілді.
– Заманауи оқу зертханасы тамақ пісірудің сан алуан құрал-жабдықпен қамтамасыз етілген. Алдын ала шикізат дайындап, оны лезде дастархан мәзіріне ұсынуға болады, – дейді оқу-өндірістік шебері Лариса Матрюк.
Колледждің болашақ аспаздары оқу зертханасында бірнеше тағам түрлерін дайындап, достарына тосын сый жасады.
– Мен осы колледждің қоғамдық тамақтандыру бөліміне түстім. Қазіргі күні бұл - өте қажетті мамандық. Оқуды тәжірибемен ұштастырып жүрміз. Жаңа оқу зертханасындағы тамақ пісіру құралдарын игеріп алдым, – дейді студент Ирина Шестернина.
Дуалды оқыту жүйесін жүзеге асырып жатқан аграрлық саланың орта буын мамандары озық техналогиялар арқылы білімдерін жетілдіре түсуде.
Сандықтау ауданы
Ақмола облысы
