«Бекен жас көшбасшылар» достастығы волонтерлық корпусы биыл Корпоративтілік және «Еvent» волонтерлық қызмет аясында жұмыс атқармақ. Түрлі халықаралық, республикалық саяси, мәдени және спорттық шараларға қызмет көрсетеді. Осы мақсатты былтыр 25 бала ағылшын тілі курсын тәмамдаса, биыл тағы 100 еріктіні тіл курсынан өткізу жоспарланып отыр.
«Волонтерлар корпусы» жастар тобы - Маңғыстау облысының жастар ресурстық орталығы мен «Бекен» жас көшбасшылар достастығының әлеуметтік серіктестігі аясында 2017 жылдың қазан айының 6 күні құрылды.
Волонтерлар корпусының «Жүрегі толы мейірім» жобасы аясында әлеуметтік жағынан аз қамтылған 180 отбасыға әлеуметтік көмек, 123 жалғызбасты азаматқа адресттік көмек көрсетілді.
Волонтерлар корпусы – құзырлы органдармен бірлесіп, із-түссіз жоғалып кеткен азаматтардың іздестіру шараларына атсалысып келеді.
Бүгінде «Волонтерлар корпусы» 38 облыстық, 11 республикалық, 7 халықаралық деңгейдегі іс – шараларда волонтерлық қызмет көрсетті.
«Волонтерлар корпусы» волонтерлары 2017 – 2019 жылдары аралығында болған Аягөз ауданында толассыз жауын-шашын салдарынан болған тасқыннан зардап шеккен тұрғындарға 400 кг, Арыс қаласындағы төтенше жағдайлар салдарынан зардап шеккендерге 4 тонна гуманитарлық жүк жөнелтті.
Волонтерлар корпусы – Біріккен Ұлттар Ұйымы Даму бағдарламасы мен ел Президенті – Қасым-Жомарт Тоқаевтың алғысы ие болған алғашқы Маңғыстаулық волонтерлық жастар тобы.
Өткен жылы өңірде тұңғыш рет «Волонтерлар корпусының» Сыйлығы тағайындалды. «Волонтерлар корпусының» Сыйлығы – жастар тобының жобаларын жүзеге асырып, қоғамдық қызметте айтарлық жетістікке жеткен волонтерларды ынталандыру мақсатында тағайындалды. Аталған сыйлық биыл пилоттық нұсқада «Волонтерлар корпусы» мүшелері арасында «Үздік волонтер», «Көшбасшы волонтер», «Мейірімді волонтер» және «Үздік координатор волонтер» аталымы бойынша тағайындалды.
Биыл «Волонтерлар корпусының» Сыйлығын өңірдегі барлық волонтерлік топтар мен ұйымдардар арасында конкурстық негізде табыстау жоспарланған.
Мамыр айына дейін Ақтау қаласындағы жоғары оқу орындары мен кәсіптік және техникалық оқу орындарында «Волонтерлар корпусының» бөлімшелері ашылып, ортақ жұмыс жоспар аясында волонтерлік қызмет көрсету жоспарланған.
