Теннис • 24 Қаңтар, 2020

Екі теннисшіміз келесі айналымға өтті

10 реткөрсетілді

Мельбурнде өтіп жатқан Аустра­лияның ашық біріншілігінде өнер көрсетіп жатқан Зарина Диас пен Юлия Путинцева жарыстың үшінші кезеңіне жолдама алды.

Алғашқы кезеңде әлемнің 24-ракеткасы Аманда Анисимовадан (АҚШ) үш сетте басым түскен Диас екінші кезеңде ресейлік Анна Блинковадан айласын асырды. 2 сағатқа созылған бұл сайыста 4:6, 6:3, 6:4 есебі тіркелді. Отандасымыз ресейлік теннисшімен бір айда екінші рет кездесіп отыр. Екі теннисші жыл басында Қытайдың Шэньчжэнь қаласында өткен турнирдің ширек финалында кездесіп, матч З.Диастың жеңісімен аяқталған-ды. Енді қандасымыз біріншіліктің үшінші кезеңінде әлемнің 10-ракеткасы саналатын Нидерланд өкілі Кики Бертенспен кездеседі.

Ал Юлия Путинцева екінші айналымда америкалық Даниэль Роуз Коллинспен сынға түсіп, үш сетке созылған бәсекеде 6:4, 2:6, 7:5 есебімен жеңіске жетті. Australian Open турнирінің үшінші кезеңінде Путинцева әлемнің үшінші ракеткасы румыниялық  Симона Халеппен бақ сынайды.

Сондай-ақ бүгін Елена Рыбакина да әлемнің бірінші ракеткасы аустралиялық Эшли Бартимен күш сынасады. 23 жастағы аустралиялық теннисші былтыр «Ролан Гаррос» бәсекесінде топ жарған болатын.

 

Соңғы жаңалықтар

Ана тілі – арың бұл...

Руханият • Бүгін, 13:10

Күрес: Алғашқы күні үш қола

Күрес • Бүгін, 09:00

Қылмыстық іс қозғалды

Аймақтар • Кеше

Басты ақпарат (21.02.2020)

Видео • 21 Ақпан, 2020

Ұқсас жаңалықтар