Руханият • 24 Қаңтар, 2020

Ұлы хакім ұлағаты ұрпаққа үлгі

207 реткөрсетілді

Биыл қазақ әдебиетінің алыбы Абай Құнанбайұлының туғанына 175 жыл. Жуырда Қазақстан Республи­касының Президенті Қасым-Жомарт Тоқаевтың «Абай және ХХІ ғасырдағы Қазақстан» атты кең көлемді мақаласы жарияланды. Сонымен қатар, Президент тапсырмасымен халқымыздың ұлы перзентінің мерейтойын лайықты түрде атап өту үшін мемлекет көлемінде және халықаралық деңгейде ауқымды іс-шаралар ұйымдастырылуда.

Хакімнің мерейтойы­на орай, Ш.Уәлиханов атындағы Жамбыл облыс­тық әмбе­бап-ғылыми кітап­хана­сын­да «Абай мұрасы» атты тұ­рақ­­ты кітап көрмесі ұйым­­дастырылды. Мұнда Абай шығармалары, ақын жай­лы жазылған кітаптар, мақа­лалар, ғылыми-зерттеу ең­бек­тері қойылған. Ой­­шыл­­дың мол мұрасына қызы­ғу­шылар аталған көр­меге көптеп келуде. Кез келген оқырман кі­­тап­­­хана­ға келіп, ұлы ақын­ның ұла­ғатты мұ­ра­лары­мен, ол туралы жазыл­ған ең­бек­­тер­мен таныса алады. Сон­дай-ақ атал­ған көр­ме қата­рын­да Пре­зидент Қасым-Жо­­март Тоқаев­тың жақын­да рес­­пуб­ликалық «Egemen Qazaq­­stan» газетінде жария­ла­нған «Абай және ХХІ ға­сыр­­дағы Қазақ­стан» мақа­ласы бар.

 Кітапхана қызметкер­лері алдағы уақыттарда Абай Құнанбайұлының өлеңдері мен қара сөздерін оқып, әндерін орындап, облыстың бар­лық кітапханасында челлендж эстафетасын жолдай­ды. Сондай-ақ, кітап­хана­шылар жыл бойы аталған жұмыстарды Facebook, Instagram әлеуметтік желі­леріне тұрақты түрде жария­лап тұратынын айтты. «Кітап­хананың кітап қорын­дағы құнды басылымдарды пайдалана отырып, хакім Абайдың кітаптары мен ақын туралы жазылған ең­бек­терден бекстейдж әзір­ленеді. Олар да әлеуметтік желі­лерге жыл бойы жарияланып тұратын болады. Абай поэзиясы – да­на­лықтың, махаб­бат пен адал­­дық­тың поэзи­я­сы, оның мол мұрасын жаңа­ша ұғы­ну жалғасып, кітап­ха­на өз оқырмандарына Абай мұ­расын насихат­тау жұ­мы­сын тың­ғылықты түр­де жал­ғас­ты­ра береді», дей­ді кітап­хана ди­рек­торы Эльмира Абдинова.

 

Жамбыл облысы

 

Соңғы жаңалықтар

Ана тілі – арың бұл...

Руханият • Бүгін, 13:10

Күрес: Алғашқы күні үш қола

Күрес • Бүгін, 09:00

Қылмыстық іс қозғалды

Аймақтар • Кеше

Басты ақпарат (21.02.2020)

Видео • 21 Ақпан, 2020

Ұқсас жаңалықтар