Әлем • 27 Қаңтар, 2020

Бағдадтағы АҚШ елшілігіне оқ атылды

427 рет
көрсетілді
1 мин
оқу үшін

«Катюшадан» шығарылған снарядтардың бірі америкалық елшілік кешенінің мейрамханасына түсті. Бағдадтағы жасыл аймақта бес зымыран соққысының үшеуі АҚШ елшілігіне келді деп хабарлады Alsumaria News. 

Бағдадтағы АҚШ елшілігіне оқ атылды

Басылымның мәліметтері бойынша, «Катюшадан» шығарылған бес зымыран үкіметтік ғимараттар мен шетелдік елшіліктер орналасқан Ирак астанасының Жасыл аймағында құлап кетті. Америкалық елшілік қызметкерлерін тікұшақпен эвакуациялайды.

Атыс салдарынан зардап шеккендер бар, олардың ұлты әзірге анықталмаған.

CNN хабарлағандай, зымырандардың бірі АҚШ елшілігінің аумағында орналасқан мейрамханаға түскен.

АҚШ-тың Мемлекеттік департаменті зымырандық атыс туралы ақпаратты растады.

«Қауіпсіздік саласындағы жағдай шиеленіскен, ал Иран қолдаған қарулы топтар қауіп төндіруде. Сондықтан біз қырағылықты сақтаймыз» деді мемдеп өкілі және Ирак Үкіметін дипломатиялық нысандарды қорғау бойынша өз міндеттемелерін орындауға шақырды.

Мемдепартаменттің мәліметтері бойынша, қыркүйек айынан бастап Иракта орналасқан американдық персоналға қарсы Тегеран қолдайтын Иран Үкіметі немесе милиция тарапынан 14-тен астам шабуыл жасалды.